Zaev: Personat me aftësi të veçanta do t’i kyçim në proceset shoqërore

Kryeministri i Maqedonisë, Zoran Zaev, sot realizoi takim me përfaqësuesuit e Lidhjes nacionale të personave me nevoja të veçanta “Mobilnost” në Maqedoni. Në takim është vendosur që mes shoqatës dhe qeverisë të ketë bashkëpunim aktiv dhe të vazhdueshëm, si dhe ndryshime me qëllim përmirësimin e jetës së personave me nevoja të veçanta.

“Jemi të gatshëm t’i kyçim qytetarët me nevoja të veçanta në proceset shoqërore dhe t’u mundësojmë që aktivisht të marrin pjesë në zhvillimin e shoqërisë”, tha Zaevi në takim, njofton Telegrafi Maqedoni.

Në takim është arritur marrëveshje për takim me drejtorin e ri të Fondit për sigurim shëndetësor me qëllim që të gjenden zgjidhje për problemet e këtyre personave.

Në takim gjithashtu është biseduar edhe për mundësitë për adaptim të shkollave dhe terreneve sportive për fëmijë, sipas nevojave të personave me aftësi të veçanta.

Zaevi në fund të takimit ka thënë se qeveria është e angazhuar të ndërtojë shoqëri të qytetarëve të barabartë me qëllim që të tejkalohen të gjitha problemet./Telegrafi/