Zaev ka 8 këshilltarë, Gruevski në periudha të caktuara ka pasur 86 këshilltarë

Për momentin, kryeministri Zoran Zaev ka emëruar 8 këshilltarë në Kabinetin e tij.

Sipas informatave nga Nova Tv, këto janë këshilltarët e kryeministrit Zaev nga sfera të ndryshme:

Këshilltar special – Drejtësi: Tanja Çaçareva-Ilievska
Këshilltar special – Kulturë: Cvetanka Llaskova
Këshilltar special – Administratë: Ljupka Cvetkova
Këshilltar special – Marrëdhënie me publikun: Marjan Zabrçanec
Këshilltar special – Politikë e jashtme: Dane Taleski
Këshilltar special – Euro-integrime: Bojan Mariçiq
Këshilltar special – Bujqësi: Lençe Nikollovska
Këshilltar special – Ekologji: Dragan Jovanov

Sipas Ligjit për të punësuarit në sektorin publik, kryeministri ka të drejtë të angazhojë nga një këshilltar special për secilin resor të Qeverisë. Sipas kësaj, supozohet se Zaev do të angazhojë edhe këshiltarë tjerë por nga Kabineti i tij nuk informua në lidhje me atë se sa është numri maksimal i këshilltarëve që kryeministri mund të emërojë.

Në pyetjen se sa këshiltarë ka angazhuar ish-kryeministri Gruevski, u përgjigjën se në periudha të caktuara kohore, numri i këshilltarëve dhe këshilltarëve special të kryeministrit të atëhershëm ka arritur deri në 86 të emëruar./Telegrafi/