Mickovski: Populli nuk e përkrah Marrëveshjen me Bullgarinë

‘OBRM-PDUKM mban qëndrimin politik se Qeveria e papërgjegjshme në krye me Zoran Zaevin firmosi një marrëëeshje të dëmshme me Republikën e Bullgarisë’, thuhet në kumtesën e Hristijan Mickovskit, sekretarit gjeneral të OBRM-PDUKM-së.

Ai thotë se kjo marrëveshje nuk i kënaq interesat shtetërorë të Maqedonisë, populli nuk e përkrah dhe ekspertët e fushës kanë vërejtje për përmbajtjen e tekstit. Pasojat e paaftësisë së Zaevit do të jenë serioze dhe Maqedonia do të jetë në pozitë të papërshtatshme që nga fillimi në çdo bisedë të mëtutjeshme.

Në këtë marrëveshje ka një formulim të turpshëm të definimit të gjuhës maqedone, nuk ka barazi në të drejtat dhe detyrimet që lindin nga nënshkrimi i marrëveshjes që e bën këtë marrëveshje joekuivalente, përcjell Telegrafi Maqedoni.

Ne nuk kemi asgjë kundër shtetit dhe popullit bullgar, ne duam miqësi dhe marrëdhënie të mira por gjithmonë të ketë simetri në definimet e koncepteve gjuhë dhe popull, vazhdon Mickovski.

Kërkojmë nga LSDM-ja të tërhiqet nga kjo marrëveshje, në të kundërtën, do të jetë në faqet e zeza të historisë së Republikës së Maqedonisë, përfundon Mickovski./Telegrafi/