RB Salzburg skuadra më e pafat në Evropë, dhjetë eliminime radhazi në Ligën e Kampionëve

Dikur e kishte emrin Salzburg, ndërsa para disa vitesh u ble nga kompania e njohur e pijeve Red Bull.

U prit se do të bëhej një prej klubeve më të mëdha dhe në Austri ia doli.

Në Austri skuadra është dominuese absolut dhe i frikshëm duke fituar 11 tituj kampionë prej vitit 2005, vetëm tre para se të vijë Red Bulli.

Por në Evropë ka diçka që nuk shkon, tradita. Pak a shumë si Manchester City.

Salzburgu ka krijuar një traditë, por jo fituese, humbëse.

Prej titullit të parë me Red Bullin, Salzburgu ka tentuar 10 herë të kapë grupet e Ligës së Kampionëve.

Të dhjetat herë dështoi, ndërsa së fundmi me Rijekën. Dhjetë eliminime rresht, një turp për Red Bull Salzburgun.

Eliminimet

Në vitin 2006-07 erdhi titulli i parë për Red Bullin, me Giovani Trapattonin si trajner dhe Lothar Matheusin si ndihmës.

Humbi fillimisht nga Valencia, pastaj nga Shahtar Doneck një vit më pas.

Në vitet e fundit vijnë eliminime nga Makabi Haifa (2009), Hapoel Tel Aviv (2010), dy herë Malmo dhe perla e perlave të eliminimeve nga F91 Dudelange i Luksemburgut në vitin 2012.

Dhe së fundmi u eliminua nga Rijeka në bazë të golit të pësuar në fushë vendase, pasi rezultati i përgjithshëm ishte 1-1.

Tash e disa vite për këtë skuadër luan edhe lider i Përfaqësueses së Kosovës, Valon Berisha.

Salzburgut nuk i mbetet tjetër vetëm të tentojë sërish. /Telegrafi/