OBRM-PDUKM ankohet që LSDM nuk përfill mendimin e tyre për çështje të rëndësishme për shtetin

OBRM-PDUKM-ja ankohet për moskonstruktivitet nga ana e LSDM-së, duke theksuar se nga 706 amendamente nga ana e opozitës, janë rishikuar vetëm 62. Nga OBRM-PDUKM thonë se, LSDM edhe një herë tregoi se nuk është e interesuar të punojë në interes të qytetarëve të Maqedonisë.

“Ata nuk treguan kapacitet se me përgjegjësi do të harxhojnë paratë e popullit. Ata treguan moskujdes ndaj qytetarëve dhe nevojave të tyre, ndërsa më së paku treguan përfshirje për propozimet konstruktive të cilat vijnë nga shoqatat, qytetarët dhe opozita”, thonë nga OBRM-PDUKM, njofton Telegrafi Maqedoni.

Nga kjo parti thonë se me refuzimin e amendamenteve të propozuara, LSDM tregon se si planifikon të qeverisë me Maqedoninë gjatë mandatit të tyre.

“Nëse LSDM dëshiron të sillet si parti demokratike duhet të ndalojë të sillet si pronare e Maqedonisë dhe për gjitha çështjet me rëndësi për Maqedoninë duhet të konsultohet me opozitën dhe ta merr parasysh mendimin e tyre”, thonë nga OBRM-PDUKM./Telegrafi/