Mjekët drejtë një zbulimi të madh: Fëmija nëntëvjeçar shërohet nga HIV-i pasi ndërpret ilaçet!

Ka ndodhur diçka që mund të jetë lajm i madh dhe i mirë për njerëzit e sëmurë me virusin HIV, por mjekët thonë se gjithçka që ka ndodhur ishte pothuajse një aksident.

Nëntëvjeçari nga Afrika e Jugut është diagnostikuar me HIV kur ishte njëmuajsh. E, tash duket se është shëruar pa trajtim të rregullt. Ky është rasti i parë i regjistruar me AIDS në Afrikë ku virusi largohet pa ilaçe dhe rasti i tretë i tillë në botë.

Menjëherë pas diagnostifikimit, djali kishte marrë drogë anti-retrovirale (ART) për 40 javë. Atëherë trajtimi është ndalur për të analizuar shëndetin e djalit. Testet e gjakut në vitin 2015 tregonin se virusi HIV ishte në remision, që do të thotë se niveli i virusit në gjak ishte i pamundur të detektohet me testet standarde.

“Kjo ishte gjë e rrallë”, tha Dr. Any Violari nga Klinika PEdiatrike në Universitetin e Afrikës së Jugut. “Duke studiuar këto raste, shpresojmë të kuptojnë se si është e mundur të heqim qafe virusin dhe atë me ndërprerje të trajtimit”.

Përveç rastit në Afrikë, janë regjistruar më parë dy raste të ngjashme në botë. Në Misisipi fëmijës me virusin që shkakton AIDS-in i janë dhënë doza të mëdha të ilaçit anti-retroviral brenda 30 orëve të lindjes. Mjekët e dinin se nëna ishte HIV pozitiv dhe ilaçin ia dhanë bebes me shpresën që ta mbajnë nën kontroll. Dy vjet më vonë, në gjakun e fëmijës nuk është hasur prania e virusit HIV, transmeton Telegrafi.

Kështu, vajza nga Misisipi ishte fëmija e parë që me sukses u shërua. Ekspertët besojnë se kjo ka ndodhur fal intervenimit të shpejtë.

Ilaçi funksional jepet kur prania e virusit është shumë e vogël, kur trajtimi gjatë tërë jetës nuk është i nevojshëm e testet standarde klinike nuk mund ta zbulojnë virusin në gjak. Ky zbulim është botuar në vitin 2013 në Konferencën mbi Retrovirusët në Atlanta.

Kjo vajzë ka lindur me HIV-pozitiv, e nëna nuk ka marrë kujdes mjekësor të paralindjes për çka s’e dinte a ishte HIV pozitiv (derisa nuk lindi).

“Nuk kemi pasur mundësi për të trajtuar nënën gjatë shtatzënisë. Po ta bënim, mund të ndalohej kalimi i virusit te bebja”, thotë dr. Hannah Gay, pediatre dhe eksperte për HIV në Spitalin e Misisipit. “Shpresojmë se studimet e ardhshme tregojnë se futja e hershme e terapisë efektive mund të ketë këtë rezultat”.

Dr. Katherine Luzuriaga, imunologe nga Universiteti i Masaçuestsit, e ka quajtur këtë zbulim fascinant. Fëmija nuk ka gjurmë të virusit në gjak edhe 10 muaj pasi nëna ndaloi dhënien e ilaçit.

“Ky është rasti i parë të cilin e kemi dokumentuar, se fëmija është i infektuar dhe pastaj pas periudhës së trajtimit kaloi disa kohë pa ilaçe e virusi nuk u kthye”, ka thënë Luzuriaga për CNN.

Kur është përcaktuar se nëna është HIV pozitiv, Dr. Gay fëmijës menjëherë nisi t’i japë ilaçe anti-retrovierale që virusin të mbahet nën kontroll.

“E kemi filluar terapinë sa më herët, në këtë rast 30 orë pas lindjes. Për shkak të ekspozimit të lartë, kam vendosur për të përdorur tri ilaçe në vend të vetëm një”, shton ajo.

Fëmija ka marrë ilaçe për 15 muaj. Më pas nëna e saj nuk ia dha.

I vetmi rast i tillë që është dokumentuar është djali Timothy Brown nga Berlini. Ai më 2007 ishte HIV pozitiv që jetonte Amerikë. Luftonte të njëjtën kohë me HIV dhe leucemi, e pas transplantimit të palcës së kockës, leucemia është shëruar por nuk kishte as HIV.

“Isha në testime në shumë vende. Kam pasur dy kolonoskopi që mjekët të dinë nëse ka ende HIV në zorrët e mia. Po, nuk e gjetën”, thotë Brown, i cili tani jeton në San Francisko.

Mjekët po vazhdojnë testet tek vajzë nga Misisipi tek e cila nuk ka më prani të virusit. /Telegrafi/