Takohen Zaev dhe Karimi, bisedohet për mundësinë e bashkëpunimit ekonomik si dhe në fushën e turizmit

Kryetari Qeverisë së Republikës së Maqedonisë, Zoran Zaev, sot u takua me ambasadorin e Republikës Islamike të Iranit, Hossein Karimi, përcjell Telegrafi Maqedoni.

Ambasadori Karimi në emër të presidenti të Iranit Hasan Rohain, i dërgoi urime kryeministrit Zaev për marrjen e detyrës të Kryetarit të Qeverisë së Maqedonisë, për zgjidhjen e krizës politike dhe për Qeverinë e re reformatore që mori Republika e Maqedonisë.

Siç informojnë nga kabineti i kryeministrit, në takim është vlerësuar se pas zgjedhjes së Qeverisë së Re ekziston nxitje e zgjidhjeve të reja programore, me ide pozitive dhe energji pozitive, që mund ta çojnë vendin përpara, në interes të qytetarëve të Maqedonisë dhe që hapin mundësi për thellimi e bashkëpunimit me Iranin, njofton AIM.

Në takim u theksuan si të vlefshme, politikat e Qeverisë së re për një shoqëri të të gjithë qytetarëve, të cilat i afruan qytetarët në zgjidhje e problemeve dhe nevojave të tyre dhe të cilat janë mesazh në nivele botërore se dallueshmëria në çfarëdo lloj baze, mund të jetë përparësi për një vend, nëse për këtë ekziston vullnet i sinqertë politik.

Në takim gjithashtu, u bisedua edhe për krijimin e mundësive për bashkëpunim më efektiv ekonomik si dhe bashkëpunim në fushën e turizmit. /Telegrafi/