Po finalizohet marrëveshja për fqinjësi të mirë me Bullgarinë

Në Sofje ka filluar procesi për finalizimin e Marrëveshjes për fqinjësi të mirë mes Bullgarisë dhe Maqedonisë. Pajtimet e vogla teknike, siç i quajti Zaevi, duhet të përfundojnë deri në fund të kësaj jave.

Ekipet e ministrit për Punë të Jashtme, Nikolla Dimitrov dhe koleges së tij bullgare, Ekaterina Zaharieva, po takohen në hotel në Sofje, jashtë opinionit. Pas takimeve nuk janë paralajmëruar deklarata, edhe pse LSDM-ja pritje pozitive nga vizita dyditore në Sofje.

Opozita bullgare ka kërkuar hetim në marrëveshje, që të vërtetohet nëse ajo është anti-bullgare dhe e dëmshme, edhe pse kryeministri i Bullgarisë, Bojko Borisov, si përgjigje fokusin e vendosi në çështjen e hyrjes së Maqedonisë në NATO dhe BE.

Ministrja e Punëve të Jashtme bullgare, Ekaterina Zaharieva, në bashkëpunim me Komisionin për Punë të Jashtme theksoi se Bullgaria nuk do të largohet nga gjuha dhe historia e tyre.

Në nënshkrimin e marrëveshjes duhet të ketë edhe festë të përbashkët më 2 gusht, për të cilën OBRM-PDUKM opozitare drejtoi kritika ndaj Akademisë së Shkencës dhe Artit në Maqedonisë, se heshtin ndaj lëvizjeve të dëmshme të qeverisë rreth identitetit maqedonas.

Sipas Telma, pas finalizimit të marrëveshjes do të pasojë edhe një takim pune në Shkup dhe më pas ajo do të vendoset për ratifikim nga dy vendet./Telegrafi/