Ivanov në takim me Nimetz: Nevojitet respektim i kornizave të bisedimeve

Presidenti Gjorge Ivanov, pas mbledhjes koordinuese mes krerëve shtetëror, në të cilën morën pjesë kryeministri Zoran Zaev, ministrat Nikolla Dimitrov dhe Bujar Osmani, si dhe negociatori në kontestin me emrin, Vasko Naumovski, realizoi takim me ndërmjetësuesin e OKB-së, Methew Nimetz, njofton Telegrafi Maqedoni.

Në takim është biseduar për situatën aktuale në bisedimet me Greqinë, ku sipas kumtesës së kabintetit të presidentit, ivanovi ka përshëndetur konstruktivitetin dhe fokusimin e masave për ndërtimin e besimit mes dy shteteve dhe bëri thirrje për zgjerim të bisedimeve dhe futjes së përmbajtjeve të reja.

“Pala e Maqedonisë me vite jep kontribut të vazhdueshëm dhe iniciativa në drejtim të ndërtimit të besimit mes dy shteteve dhe shoqërive. Është e nevojshme të jepet impuls shtesë nga dy palët për tejkalimin e kësaj çështje, e cila është thelbësore për stabilitetin dhe prosperitetin e gjithë rajonit”, tha në takim Nimetz.

Kjo është hera e parë që presidenti Ivanov takohet me Nimetz pas formimit të qeverisë së re, e cila duket se po dërgon mesazhe qetësuese drejt Greqisë dhe paralajmëron marrëdhënie më fleksibile me Bullgarinë./Telegrafi/