Taravari: Qendra e re Klinike, jashtë trafikut të qytetit

OBRM-PDUKM sot përsëri kërkoi që të mos ndërpritet projekti për ndërtimin e qendrës së re klinike në Shkup. Ministri i Shëndetësisë Arben Taravari, siç tha Marija Andonova nga OBRM-PDUKM duhet të jap përgjigje se cilat do të jenë argumentet para Bankës qendrore Evropiane që projekti të cilin e kanë përgatitur, e kanë miratuar dhe e kanë financuar nuk është sipas standardeve të tija arkitektonike.

“Është e pa lejueshme dhe e papërgjegjshëm që të kontestohen një projekt i cili kushton 70 milion euro, që të paralajmërojë një projekt të ri i cili do të kushtojë më shumë se 450 milion euro, për realizimin e të cilit do të duhet të pritet më shumë se 10 vite . Taravari do të jetë përgjegjës për atë se më paku 10 vite nuk do të ketë kushte më të mira për shërimin e pacientëve dhe dhjet vite kuadri mjekësor do të punojë në kushte të këqija”, tha Andonova.

Arben Taravri zyrtarisht në emisionin ClickPlus deklaori se Qendra e re Klinike nuk do të ndërtohet në vendin në të cilin e ka planifikuar qeveria e kaluar, por do të ndërtohet në një vend jashtë trafikut të qytetit, ndërsa më pas Taravari bëri të ditur se plani ka qenë që të ndërtohen klinika të brendshme dhe jo qendër klinike.

Në Maqedoni ka spitale të cilat ndërtohet me vite të tëra, siç është spitali në Kërçovë e cila ndërtohet tani më 32 vite, por ende nuk është përfunduar, dhe banorët e asaj zone ende e përdorin spitalin e vjetër.