Barcelona mbyll sezonin me vetëm një trofe, fiton Kupën e Mbretit (Video)

Barcelona ka fituar Kupën e Mbretit pasi ka mposhtur Deportivo Alavesin me rezultat 3-1.

Gjiganti katalunas ka përshëndetur trajnerin e tyre, Luis Enrique, me një trofe të fituar në sezonin e fundit, atë të Kupës së Mbretit.

Goli i parë në ndeshje erdhi në minutën e 30, ku ishte Lionel Messi, i cili shënoi një supergol për 1-0.

Megjithatë, epërsia e Barçës nuk zgjati shumë, pasi vetëm pas tre minutave ishte Theo Hernandez që shënoi një gol të bukur nga goditja e dënimit për 1-1.

Deri në fund të pjesës së parë, Barcelona tregoi që e do me çdo kusht këtë trofe duke shënuar dy gola të shpejt.

Fillimisht ishte Neymar që shënoi në minutën e 45 nga afërsia për 2-1, ndërsa në minutat shtesë shënoi edhe sulmuesi Paco Alcacer.

Në pjesën e dytë, Barcelona arriti të menaxhoj mirë rezultatin dhe të mos lë asnjë rrezik duke triumfuar kështu në fund dhe e mbylli sezonin me të paktën një titull të fituar. /Telegrafi/

https://www.youtube.com/watch?v=JteGgiRvDHw

https://www.youtube.com/watch?v=OijM68uvfmg

https://www.dailymotion.com/video/x5o4wl0_barcelona-3-1-alaves-but-paco-alcacer-goal-27-05-2017_sport