Ligji për zgjedhjet e thotë që deputetin e larguar e zëvendëson deputeti që ka më së shumti vota e që nuk ka arritur të hyjë në Kuvend. Nëse ndonjëri nga deputetët e koalicioneve e dorëzon mandatin për çfarëdo arsye, nuk ia garanton atë ulëse partisë së tij.
Partia Demokratike e Kosovës së bashku me 13 parti të tjera do të hyjë në garë për zgjedhjet e 11 qershorit. Në listën e Koalicionit PDK-AAK-Nisma dhe parti tjera janë listuar 110 kandidatë. Kurse, Lidhja Demokratike e Kosovës ka nënshkruar koalicion parazgjedhor me Aleancën Kosova e Re dhe Alternativën.
Cilado prej këtyre koalicioneve që e formon qeverinë do të obligohen që në kabinetin qeveritar t’i emërojnë disa nga deputetet e zgjedhur, pasi koalicionet kanë futur në listat e kandidatëve nivelin më të lartë udhëheqës duke përfshirë edhe kandidatët për kryeministër.
E Ligji për Deputetët thotë se deputetëve u përfundon mandati në momentin e emërimit të tyre në poste qeveritare.
“Deputeti njëkohësisht nuk mund të jetë kryeministër, zëvendëskryeministër, ministër ose zëvendësministër. Me rastin e emërimit të një deputeti në funksionet e parapara në paragrafin 1 të këtij neni, mandati i tij përfundon në ditën e emërimit të tij si anëtar i qeverisë nga paragrafi 1 i këtij neni”, thuhet në nenin 6 të Ligjit për të Drejtat dhe Përgjegjësitë e Deputetit.
Garimi në një listë me disa parti të tjera do të krijojë situata të ndërrimit të numrit të deputeteve në mes të partive.
Kushdo që e liron vendin e deputetit, nuk ia garanton kolegut të partisë vendin, por ia garanton atij që ka vota më së shumti e që është në pritje, e që potencialisht mund të jetë nga partia tjetër.
Valmir Elezi nga KQZ-ja i ka thënë KALLXO.com se asgjë nuk ndryshon edhe pse koalicioni është me parti të ndryshme, sepse ato garojnë si subjekt politik.
“Koalicioni është një subjekt politik dhe nëse ndonjëri nga deputetët e zgjedhur e dorëzon mandatin, ai zëvendësohet me deputetin e radhës”, tha Elezi për KALLXO.com
Edhe Ligji për Zgjedhjet i Republikës së Kosovës e parasheh një diçka të tillë.
“Vendet e shpërndara ne përputhje me ketë ligj mbahen personalisht nga kandidatët e zgjedhur dhe jo nga subjekti politik”, thuhet në nenin 112 të Ligjit për Zgjedhje e që nënkupton se partitë politike nuk mund të vendosin se kë do e zëvendësojnë.
Sekretari i përgjithshëm i PDK-së, Basri Musmurati tha për KALLXO.com se PDK-ja ka aq njerëz që i ka lënë jashtë listave, sa nuk do t’u duhet për të marrë njerëz të partisë nga Kuvendi për ta formuar qeverinë.
Edhe ai e pranon që kjo rregullohet me ligj dhe konfirmoj se nuk ka ndonjë marrëveshje mes partnerëve mbi këtë çështje. /KALLXO.com/
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe