Shilegov: Askush nuk do të amnistohet për trazirat në Kuvend

Maqedonia nuk do të jetë shtet juridik derisa në tërësi nuk ndriçohet sulmi i organizuar në Kuvend, theksojnë nga LSDM dhe shtojnë se askush nuk do të amnistohet nga përgjegjësia pa dallim nëse është deputet, polic, pjesëtar i ARM-së, gjykatës, prokuror apo qytetar i zakonshëm, përcjell Telegrafi Maqedoni.

“Xhirimet e djeshme nga kamerat e sigurisë në hollin e Kuvendit e dëshmuan pjesëmarrjen e drejtpërdrejtë të OBRM-PDUKM-së në tentimin për organizim të rrezikimit terrorist të rendit kushtetues dhe tentim për vrasje të disa deputetëve. Xhirimet janë dëshmi kyçe se Nikolla Gruevski gënjen. Edhe pse vazhdimisht pohonte se partia e tij nuk k asgjë me sulmin në Kuvend, në xhirimet nga kamerat vëzhguese shihet qartë se së paku gjashtë deputetë të VMRO-DPMNE-së dhe një deputet i kolaicionit të tyre, e ndohmojnë dhe e nxisin grupin në kryerjen e një sërë veprash penale”, deklaroi sot zëdhënësi i LSDM-së, Petre Shilegov.

Ai theksoi se i tërë opinioni mundi të shohë se kush e planifikoi, nxiti dhe organizoi sulmin e turmës më 27 prill.

Sipas Shilegov, aktvendimet e sotme liruese për pjesëmarrësit në turmë janë krim, turp dhe ndoshta një nga ditët më të zeza në historinë e gjyqësisë së Maqedonisë. Kjo, siç sqaroi, do të thotë se “Zvërlevski, ekzekutuesit gjyqësor të Gruevskit, si dhe Mitko Çavkov, deputetët në xhirime, strukturat nga DSK-ja, MPB-ja dhe ARM-ja të cilët morën pjesë në sulm, si dhe porositësit dhe ekzekutuesit e veprave penale do të duhet të përgjigjen për veprimet e veta para gjykatave të pavarura dhe profesionale, në pajtim me Kushtetutën dhe ligjet e Republikës së Maqedonisë”, njofton AIM.

I pyetur nëse Zaev do të shkojë në Bruksel, Shilegov tha se Zaev si mandatar për përbërjen e qeverisë së re ka marrë ftesë personale nga Federika Mogerini për pjesëmarrje në takimin e nesërm. Saktësoi se Zaev së pari do të ketë takim bilateral me Mogerinin, e më pas do të marrë pjesë në darkën e përbashkët me kryeministra nga rajoni. /Telegrafi/