Një burrë i dehur kishte tentuar të futet në shtëpinë e huaj, letrën që ia la pronarëve i bëri ata që t’ia falin (Foto)

Ndoshta ju ka ndodhur që të deheni në atë masë sa që të futeni në një shtëpi të huaj, por nëse keni kërkuar falje në mënyrë kreative sikurse ka bërë një djalë i ri në Kanada, atëherë sigurisht se ua kanë falur.

Ai është treguar mjaft bujar dhe ka lënë gojëhapur pronarët e shtëpisë në të cilën kishte tentuar të futet. Për të dihet se quhet Cliff, i cili pas një nate plot alkool kishte përfunduar në shtëpinë e Caitlynne Hines në Nova Scotia, transmeton Telegrafi.

Për fat të mirë ai nuk kishte vjedhur asgjë, por të nesërmen u kishte lënë pronarëve të shtëpisë një dhuratë modeste – një letër në të cilën u kërkon falje çiftit dhe një komplet të birrave.

Por ky veprim i kishte pëlqyer aq shumë Caitlynne, sa që mesazhin e kërkim faljes dhe birrat i ka fotografuar dhe më pas i ka postuar në Facebook, kurse përdoruesit e rrjeteve sociale e kanë përshëndetur veprimin e burrit të dehur që ishte futur në shtëpinë e huaj.

Kjo ishte porosia që Cliff e kishte shkruar:

“Hej, njerëz. Jam personi që nën ndikim të alkoolit jam munduar të futem në shtëpinë e juaj. Sinqerisht ju kërkoj falje që ju kam zgjuar në mes të natës. Ju lutem pranoni kërkimfaljen time me këtë komplet të birrave si shenjë mirëkuptimi”. /Telegrafi/