Policia: Incidenti te selia e Nismës u shkaktua nga një person me probleme mendore

E plotësuar: Policia e Kosovës ka konfirmuar lajmin se një person është arrestuar në natën e së dielës, pasi ka tentuar të futet me dhunë në selinë e Nismës për Kosovën në Prishtinë.

Sipas Policisë, i arrestuari për incidentin te selia e Nismës dyshohet të ketë probleme mendore.

“Ju njoftojmë se rreth orës 22:21 është pranuar informata se një person gjendet brenda rrethojave te një objekti në Rr. ‘Mujo Ulqinaku’ në lagjen “Pejton” në Prishtine. Njësitet policore kane dalë në vendin e ngjarjes dhe kane hasur në një person “, thuhet në një njoftim të lëshuar nga Policia.

Personi i arrestuar, më herët është raportuar i zhdukur dhe ka probleme mendore, i kanë thënë familjarët Policisë.

———————————————–

Policia arreston një person që tentoi të futet me dhunë tek selia e Nismës në Prishtinë

Në orët mbrëmjes së sotme, një person është arrestuar nga Policia e Kosovës, tek selia qendrore e Nismës për Kosovën, në lagjen “Pejton” në Pristhinë.

“Tentoi me dhunë të futet tek selia. Ai po ashtu bërtiste: Du mu taku me Fatmirin…”, thotë ky për IndeksOnline. “Momentin kur ka ardhur Policia e Kosovës, ai iu ka drejtua atyre: ‘Mos m’u afroni se jam i armatosur me bombë’ Më pas ka ardhur forca shtesë të PK-së dhe kanë arrestuar këtë person i cili me vete kishte një thikë”.