LAJMI I FUNDIT:

Elton Deda prezanton nënën e tij, një rock-ere e vërtetë (Foto)

Elton Deda prezanton nënën e tij, një rock-ere e vërtetë (Foto)

Në prag të koncertit që do të mbahet në Pallatin e Kongreseve pas pak ditësh, tre musketierët; Elton Deda, Aleksandër Gjoka dhe Redon Makashi, janë ftuar sot në “Rudina” për të dhënë më shumë detaje për këtë recital që e ëndërronin prej vitesh.

Tani që provat po shkojnë drejt fundit dhe gjithҫka po merr formën përfundimtare, me gjithë vitet e gjata në skenë, ata janë të emocionuar. Dhe nuk janë të vetmit…. edhe familjarët e tyre.

Me përgjegjësinë e drejtorit artistik, Eltoni ka edhe peshën më të madhe për koncertin e 15 majit. Siҫ tregon ai, provat me orkestrën dhe me ҫunat po shkojnë shumë mirë, megjithatë emocionet kanë qenë e janë gjithmonë shoqëruese në jetën e artistit. Dhe sado të jesh në gjendje t’i kontrollosh, para mesazhit të nënës, është e pamundur.

Kështu, për t’i uruar suksese në këtë recital, këtë pasdite në “Rudina” ishte edhe nëna e Elton Dedës, e cila, siҫ tregon kantautori, është njëlloj e emocionuar sa edhe ai, por përpiqet t’i japë shumë kurajë të birit: “Mami ka jetuar gjithë jetën me një gjeni si Ferdinand Deda dhe e njeh shumë mirë këtë pjesë. Unë nuk jam gjeni si im atë, por ajo e di shumë mirë se ҫ’do të thotë të bësh muzikë. Megjithatë, më ka lënë shumë të qetë e më thotë vazhdimisht “mos u streso, se do bëhet kjo, do bëhet edhe kjo, mos u lodh.” Edhe ajo mezi po e pret koncertin, por nuk e jep veten…” – tregon Toni për të ëmën.

E ndërkohë, në ekran, bashkë me ca foto me të birin, si një rock-ere e vërtetë, nëna e Eltonit shfaqet për të dhënë mesazhin e saj: “Jam shumë e lumtur për djemtë që ia arritën të bëjnë një koncert të të mirëfilltë. Ju plotësoni njëri-tjetrin dhe keni lënë gjurmë në muzikën shqiptare. Jam shumë krenare për Eltonin dhe shumë e kënaqur me të. Ai është i lindur për muzikë dhe bën muzikë të mirëfilltë. Uroj të mos lodhet shumë dhe të mos impresionohet. Unë jam shumë e emocionuar dhe do të jem e emocionuar deri në fund…” – tha nëna e Eltonit në mesazhin e saj.

Si nënat, ka merak për të birin, por edhe për miqtë e tij, edhe pse e di mjaft mirë që e gjithë jeta në skenë nuk ia shuan askujt drithërimat në zemër para publikut. Me gjithë sigurinë absolute dhe profesionalizmin./ Class/

Në trend Magazina

Më shumë
Megjithëse Kroacia nuk pati fat, Ivana Knoll ishte aty për t'iu dhënë zemër kroatëve në ndeshjen kundër Spanjës

Megjithëse Kroacia nuk pati fat, Ivana Knoll ishte aty për t'iu dhënë zemër kroatëve në ndeshjen kundër Spanjës

Magazina
Edhe Bebe Rexha shpreh mbështetje për Kombëtaren Shqiptare, publikon videon e kuqezinjve duke u thyer pastat italianëve para ndeshjes

Edhe Bebe Rexha shpreh mbështetje për Kombëtaren Shqiptare, publikon videon e kuqezinjve duke u thyer pastat italianëve para ndeshjes

Magazina
Xhuli hipën mbi veturë dhe valvit flamurin kombëtar në mesin e mijëra tifozëve shqiptarë në Dortmund

Xhuli hipën mbi veturë dhe valvit flamurin kombëtar në mesin e mijëra tifozëve shqiptarë në Dortmund

Magazina

"Jam goca më me fat në botë" - Heidi Baci ndan fotografi të mrekullueshme krah Romeos

Magazina

"Tracker" po bëhet seriali më i ndjekur në ShBA: Me 19 milionë shikues për episod, ka thyer rekordin e “Desperate Housewives”

Magazina
Kate Middleton bën paraqitjen e parë publike që pas zbulimit të diagnozës së kancerit

Kate Middleton bën paraqitjen e parë publike që pas zbulimit të diagnozës së kancerit

Magazina
Kalo në kategori