Kampioni Anthony Joshua prezanton Range Roverin e ri në vlerë prej 178 mijë eurosh (Foto/Video)

Të shtunën që shkoi në spektaklin e boksit në Wembley, Anthony Joshua e mposhti Wladimir Klitschskon për të fituar titujt e peshave të rënda IBF, WBA dhe IBO.

Dëshmitarë të këtij triumfi ishin 90.000 mijë të pranishëm në stadium dhe miliona të tjerë e shikuan përmes ekraneve televizive.

Nga kjo fitore, ai përfitoi 18 milionë euro dhe tashmë është shndërruar në një brend që mund ta tejkalojë edhe David Beckhamin.

Lexo po ashtu Joshua ndër sportistët britanikë me fitimet më të mëdha: Vetëm katër sportistë gjenden para boksierit

Madje, promovuesi i boksit, Barry Hearn, ka thënë se Joshua është vetëm 27 vjeçar dhe mund të bëhet boksieri i parë miliarder.

“Ai ka së paku edhe dhjetë vite karrierë para vetes në ring dhe nëse vazhdon të fitojë, paratë do të vazhdojnë të vijnë”, ka deklaruar Hearn.

Dhe me paratë që po fiton, atij ia mban xhepi që ta blejë një Range Rover në vlerë prej 178 mijë eurosh.

Ai i ka zgjedhur vet të gjitha detajet – duke filluar nga ulëset deri te rrotat, ndërsa fabrika e ka prodhuar sipas kërkesave të tij.

Boksieri është shprehur i kënaqur me këtë bashkëpunim që e ka krijuar një version unik sipas shijeve të tij.

Më poshtë jua sjellim me anë të fotografive dhe videos disa detaje të Range Roverit të Anthony Joshuas. /Telegrafi/