Ka një pasuri marramendëse, e që llogaritet se gjysma e Zvicrës është e tij. Në qendër të Baselit, në pjesën më të bukur të këtij qyteti, ka shtëpinë e tij, të trashëguar nga gjyshi, pas martesës së këtij të fundit me një vajzë të pasur nga Çekia në vitet e `60-ta.
Personi i mistershëm me gjithë këtë pasuri, nuk mund të jetë askush tjetër pos Qabit, personazhit më të ri të serialit shumë të popullarizuar “O sa mirë“ që jepet çdo të diele të Kohavision – KTV.
Qabi, një person mjaft energjik, i cili luhet nga aktori kosovar që jeton në Zvicër, Ridvan Murati, është risia e fundit e këtij seriali mjaft të popullarizuar në mbarë trevat shqiptare, e në veçanti në diasporë.
Ai tregohet si njeri mjaft i integruar në jetën zvicerane. Nuk përton të tregojë se si duhet të sillemi në Zvicër, por me të shkuar në vendlindje, ai shpesh e tradhton veten, duke bërë blofe apo edhe duke ngacmuar vajza nëpër rrugë të Prishtinës.
Gjatë shkurtit, një pjesë e ekipit të serialit “O sa mirë” ishte në Zvicër për xhirime të disa skenave për episodet e ardhshme të serialit.
“O sa mirë” në Basel
Ekipi i albinfo.ch, ka qenë i pranishëm gjatë gjithë ditës në peripecitë e xhirimeve, që fillimisht zunë vend tek studioja e boksierit të famshëm Arnold Gjergjaj, e më pas edhe në Bazel dhe Olten.
Duke ditur se bëhet fjalë për një serial komik, edhe gjatë xhirimeve të qeshurat nuk mungonin, e shpesh shkaktonin edhe ndërprerjen apo edhe përsëritjen e xhirimeve.
Nga kasta e aktorëve që merrnin pjesë ishin Olta Daku, Jeton Zogiani, Ernest Zymberi dhe Ridvan Murati, apo siç i njohin shikuesit e serialit si “Profesoresha e Fizikës”, “Drenica”, “Lugina” dhe “Qabi”. Ndërsa me ta ishte pashmangshëm regjisori Valter Lucaj dhe kameramani Rron Ismajli.
Me një kohë mjaft të kufizuar, aktorët duhej të xhironin sa më shumë që mundeshin, sepse duhej të ktheheshin në Prishtinë për të vazhduar me skenat e tjera atje, prandaj edhe serioziteti duhej të ishte në maksimum.
E ndërkohë shumë gjëra duhej edhe improvizuar. Kështu gjatë xhirimeve, aktorët duhet edhe të grimoseshin afër lumit te Rajnës në Basel nga grimerja profesioniste Egzona Sertollaj. Pa përmendur këtu edhe vështirësitë e tjera teknike.
Diaspora bëhet treva shqiptare e radhës
Në “O Sa Mirë” , bëhet fjalë për një shkollë private, ku ka studentë nga të gjitha trevat shqiptare: nga Shqipëria, Kosova, Maqedonia, Lugina e Preshevës etj.
Inkuadrimi i një personazhi nga diaspora, pos karakteristikave të Qabit, ka edhe një domethënie tjetër. Për regjisorin Valter Lucaj, inkuadrimi i aktorit Ridvan Murati nga Zvicra, është bërë për faktin se duke parë që një pjesë e madhe e shqiptarëve jetojnë në diasporë, ku do qofshin ata, diaspora tashmë po llogaritet si një trevë e re shqiptare, e që duhet ta ketë personazhin e vet aty.
Futjen e tij në serial nga skenaristi Ard Islami, aktori Ridvan Murati, e sheh mjaft pozitive. Por duke parë se shikueshmëria e këtij seriali në diasporë është shume e madhe, shpreson se vonesa për të pasur në serial një personazh të tillë do të kompensohet në episodet në vazhdim.
Ridvani, si pjesë e Thaterfalle nga Baseli, ku luan kryesisht ne gjuhën gjermane, kyçjen e tij në serial e sheh si “një sfidë të këndshme, pasi që pas 7 vitesh rikthehet në TV, në një serial te popullarizuar shqiptar në Kosovë”. Ai me këtë rast “falënderon stafin për përkrahje si dhe përgëzon ata për profesionalizmin e treguar gjatë provave dhe xhirimeve”.
Ai me personazhet nga të gjitha trevat e banuara me shqiptarë, e me një skenar e lojë të mirë të aktorëve, është bërë seriali më i pëlqyer aktualisht.
Seriali mund të ndiqet çdo të diel në Kohavision (KTV) me fillim në ora 20:00, apo edhe në kanalin zyrtar të O Sa Mirë në Youtube.
Diaspora e ka merituar të ketë personazhin në serial
Inkuadrimi i një personazhi nga diaspora, pos karakteristikave të Qabit, ka edhe një domethënie tjetër. Për regjisorin Valter Lucaj, inkuadrimi i aktorit Ridvan Murati nga Zvicra, është bërë për faktin se “duke parë që një pjesë e madhe e shqiptarëve jetojnë në diasporë, ku do qofshin ata, diaspora tashmë po llogaritet si një trevë e re shqiptare, e që duhet ta ketë personazhin e vet aty”.
Lufta Prigozhin - Putin
Më shumëNga Rubrika
Aziz Salihu feston ditëlindjen e 70-të, Monika me urim të veçantë: Më i madhi në vend, e gëzofsh 70-vjetorin
Rita Ora e mëngjeseve të hershme, pas palestrës ndërron veshjen për një paraqitje tejet elegante rrugëve të New Yorkut
Eventi madhështor i modës, Met Gala a do të marrë pjesë Taylor Swift?
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Egla Ceno në gjendje të rëndë shëndetësore, pritet vendimi për rrugëtimin e saj në BBVA
Uroi çiftin për lindjen e vajzës gjatë spektaklit të Big Brother, Kiara Tito i reagon Ledion Liços
Oriola Marashi e "ndezë" rrjetin, pozon me të brendshme duke i lënë fare pak vend imagjinatës
Egla flet për herë të parë pas komplikimeve shëndetësore, tregon për gjendjen e saj
Xhensila si duket mori trauma nga rrëzimi në skenë, bëri veprimin e papritur në koncertin e saj më të fundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit