Derbi i Manchesterit i mbushur me tensione, përfundon në paqe

Derbi i javës në Ligën Premier, ai lokal në mes të Manchester Cityt dhe Manchester Unitedit është karakterizuar me tensione, por ka përfunduar në paqe, pasi asnjëra skuadër nuk ka gjetur golin, duke përfunduar në fund 0-0.

Pjesa e parë e ndeshjes i takoi në përgjithësi vendasve që dominuam si në posedim, ashtu edhe në krijimin e rasteve.

Rasti më i mirë në këtë pjesë ishte shtylla e Sergio Agueros në minutën e nëntë, ku nga afërsia dështoi të kaloj skuadrën e tij në epërsi.

Në këtë pjesë pati edhe raste tjera, si ai i Henrikh Mkhitaryan (25’), Aguero (32’) dhe Ander Herrera (45’), por të gjitha pa sukses, duke quar skuadrat në pushim me rezultat të bardhë.

Edhe pjesa e dytë e takimit i takoi Cityt, të cilët dëshironin me çdo kusht të gjenin rrugën e golit dhe të fitores.

Pjesa e dytë gjithashtu u karakterizua edhe me nervozizëm të tepruar të futbollistëve, ku mesfushori belg, Marouane Fellaini e pësoi në minutën e 82, ku u ndëshkua me të kuq pas goditjes me kokë të Agueros.

Deri në fund të ndeshjes, City provoi të gjej golin e fitores, atë e gjeti në minutat e lojës shtesë me anë të Gabriel Jesus, por gjyqtari e ndali për pozitë jashtë loje dhe ndeshja përfundoi me rezultatin që nisi, pra me barazim pa gola 0-0.

Pas këtij barazimi, City mbetet në vendin e katërt me 65 pikë, ndërsa rivali i tyre lokal, Unitedi, në vendin e pestë me një pikë më pak, pra me 64 pikë të tubuara. /Telegrafi/