Berisha zgjedh pesë golat më të mirë në karrierë (Video)

Besart Berisha është futbollisti i parë që ka shënuar 100 gola në kampionatin australian.

Kësisoj klubi i tij Melbourne Victory e ka intervistuar prishtinasin për golat më të rëndësishëm të tij.

31-vjeçari ka zgjedhur pesë golat më të mirë dhe më të rëndësishëm që ka shënuar në karrierën e tij në Australi.

“Goli ndaj Perth Glory në finale është të përzgjedhurit. Ishte goli i parë në karrierë që e shënoja në një finale, kështu që ishte shumë i rëndësishëm për mua personalisht. Ai gol vlejti deri në fund të ndeshjes për ta udhëhequr takimin”, deklaroi Berisha për golin e tij të pestë.

Ndërkohë goli i katërt më i rëndësishëm ishte ndaj Adelaide United.

“Të katërtin dua ta zgjedh ndaj Adelaide United. Ishte gol që vështirë shënohet, nuk ndodh shpesh dhe isha i befasuar nga vetja pasi nuk kisha shënuar kurrë asi goli. Isha i lumtur për atë gol, pasi nuk mund të shënosh shumë si ai”, vazhdoi tutje Berisha.

Nuk kishte se si të mungonte një gol i bukur dhe i rëndësishëm edhe me fanellën e skuadrës së tij të parë në Australi, Brisbane Roar.

“Sërish në finale, por kësaj radhe isha te Brisbane dhe luajtëm ndaj Sydney. Ishte gol i rëndësishëm për mua sepse ishte ndeshja ime e fundit me Brisbane Roar. Ishte e rëndësishme për mua të kisha një tjetër sukses me atë klub”, tha Berisha.

Goli i 100-të për të në Australi u shënua ndaj Central Coast.

“Goli i dytë është ai ndaj Central Coast, i 100-ti për mua. Isha diçka shumë speciale, për mua si sulmues të kem kaq shumë gola dhe isha vërtet krenar të shënoja”.

Ndërkohë goli më i rëndësishëm për Berishën ishte në finalen e parë me Melbourne Victoryn

“Goli më i rëndësishëm , goli në Grand Final, në vitin e parë tim te Melburn Victory. Ishte një gol shumë emocionues për mua. Të udhëhiqja ekipin tim në sulm dhe të shihja gjithë ata tifozë të gëzonin, ishte një ndjenjë e paimagjinueshme”.

“Do të thotë shumë për mua. Ishte një ndjesi unike. E dija që klubi po priste shumë për një trofe, ashtu si tifozët dhe të ndihmoja për të marrë një trofe, ishte shumë e rëndësishme për mua”, deklaroi Berisha.

Kujtojmë që prishtinasi gjatë karrierës së tij ka luajtur edhe në kampionate evropiane.

Ai luajti në Gjermani me Hamburgun e Armenia Bilefeldin, në Norvegji me Rosenborgin, në Danimarkë me Horsensin ndërsa në Angli me Burnleyn. /Telegrafi/