Paulinho mbetet në Kinë edhe pas skandalit të shkeljes së ligjeve të atjeshme

Guangzhou Evergrande i ka hedhur poshtë raportimet se Paulinho mund të largohet nga klubi, pas skandalit të promovimit të një kompanie bixhozi dhe pozimit me një aktore pornografike japoneze.

Ish-futbollisti i Tottenham Hotspur kërkohet nga Bayern Munichu dhe Real Madridi, megjithëse në janar sapo e ka rinovuar kontratën me gjashtë herë kampionin e Superligës kineze.

Lexo po ashtu Paulinho në një skandal seksual dhe të bixhozit me aktoren pornografike (Foto)

Pas publikimit të fotografive me aktoren e filmave për të rritur, Tsukasa Aoi dhe pas promovimit të bixhozit, është raportuar se ai mund të dëbohet nga Kina, duke qenë se të dyja këto aktivitete janë të ndaluara në atë vend.

Ky lajm i nxiti më shumë spekulimet se Paulinho mund të kthehet në Evropë, mirëpo Guangzhou i ka përgënjeshtruar këto njoftime.

“Zyrtarisht njoftojmë se Guangzhou Evergrande nuk ka marrë asnjë ofertë për Paulinhon. Paulinho ka nënshkruar vazhdimin e kontratës me Guangzhou Evergrande në janar 2017 dhe është lojtar kyç në planin afatgjatë të klubit”, thuhet në një njoftim të klubit.

Nga ana tjetër, vet mesfushori ka thënë se nuk ka pasur informacion për profesionin e Tsukasa Aoit dhe se ishte mashtruar nga kompania e bixhozit. /Telegrafi/