Ivanov: Me Deklaratën e partive shqiptare humnera do të bëhet edhe më e thellë

Presidenti i Maqedonisë, Gjorge Ivanov, në një intervistë për gazetën kroate “Globus” ka folur rreth situatës politike në Maqedoni dhe asaj se çfarë e pret vendin në të ardhmen. Ai intervistën e filloi duke thënë se nëse fillon të tregojë të gjithë situatën në mënyrë detaje, opinioni i Kroacisë do të binte në peshë, ndërsa disa të tjerë do të përjetonin edhe makthe gjatë natës, njofton Telegrafi Maqedoni.

Ivanov deklaroi se nëse ia jep mandatin për formimin e qeverisë së re Zoran Zaevit, ai do ta shkel nenin 308 dhe të ta prish pavarësinë e vendit, për shkak se sipas presidentit, do të formonte qeveri me një platformë të një shteti të huaj. Sipas tij, qëllimi i Deklaratës së partive shqiptare është të barazojë gjuhën shqipe me atë maqedonase.

“Deklarata shqiptare do ta prish Maqedoninë, nga ajo që e njohim deri sot dhe shtetit do t’i jep vetëm dy segmente duke e bërë Maqedoninë shtet etnik dhe fetar të ndryshëm. Humnera do të thellohet edhe më shumë. Qytetarët dyshojnë
në qëllimet e atyre që e kanë përgatitur këtë Deklarataë. Sipas tyre, Maqedoni do të bëhet shteti i tretë shqiptar”, u shpreh Ivanov.

Ivanov ka folur edhe për qasjen e tij ndaj bashkësisë ndërkombëtare, duke theksuar se kanë bërë disa gabime. Sipas tij, gabimin më të rëndë e ka bërë BE-ja, ndërsa për deklaratat e tij, tha se janë deklarata me interes për shtetin e Maqedonisë./Telegrafi/