Besa: OBRM-PDUKM-ja po e përdorë Deklaratën si pretekst për agjendën e tyre anti-shqiptare

Pas deklaratave të djeshme të kreut të OBRM-PDUKM-së, Nikolla Gruevski dhe presidentit Gjorge Ivanov, të cilët edhe njëherë kanë shprehur qëndrimet e tyre kundër Deklaratës shqiptare dhe zyrtarizimit të gjuhës shqipe, ka reaguar Lëvizja Besa. Zëdhënësi i kësaj partie, Orhan Murtezani, për Shenja tha se OBRM-PDUKM-ja po e shfrytëzon Deklaratën shqiptare si pretekst për të zhvilluar agjenda anti-shqiptare.

“Nëse edhe pas gjithë atyre sqarimeve në lidhje me hartimin e deklaratë së përbashkët të partive politike shqiptare të Maqedonisë. Gruevski dhe kompania e tij, ende vazhdojnë të insistojnë në përmendjen e Tiranës. Madje, edhe kërcënohen në emër të kësaj teze. Kjo i bie se ata janë gëzuar shumë që ndodhi kjo deklaratë që të mund të zhvillojnë agjenda antishqiptare, madje duke i kaluar edhe kufijtë e Maqedonisë”, tha zëdhënësi i Lëvizjes Besa, Orhan Murtezani.

Këtë qasje të OBRM-PDUKM-së dhe presidentit Ivanon, Murtezani e ka quajtur tendencioze dhe joserioze./Telegrafi/