Dy femra e kuptojnë se janë motra, dhe se gati për një dekadë kishin jetuar vetëm një milje larg njëra-tjetrës (Foto)

Dy femra e kanë kuptuar se janë gjysmë motra dhe se kanë jetuar vetëm një milje larg njëra-tjetrës për më shumë se tetë vite, kur një mik i përbashkët ndikoi që ato t’i dërgojnë njëra-tjetrës kërkesë për miqësi në Facebook.

Nia Hayes 35-vjeçe nga Fishers i Shteteve të Bashkuara, e dinte se babai i saj Lonnie 63-vjeç kishte edhe një vajzë tjetër, por kur ai vdiq në vitin 2012 familja e saj nuk e njihte atë, transmeton Telegrafi.

Kolegu i Nias, Dave Barkes i cili asokohe ishte diagnostifikuar me një sëmundje të rrallë filloi të kontaktonte me mikeshën e shkollës fillore Lana Hayes 42-vjeçe, dhe aty e kuptoi se ato dy ngjajnë shumë me njëra-tjetrën.

Kështu i bëri presion Nia që t’i dërgojë Lanas ftesë për miqësi në Facebook, dhe dyshja filluan të bisedojnë.

Ato biseduan në telefon për disa minuta dhe vendosën të takohen 24 orë më vonë.

Nia, e cila ka katër motra tjera dhe vëllezër, ka deklaruar për King 5 Neës: “Më duket se po e shikoj veten. Ende nuk po mund të besojmë, dhe vazhdimisht  e shikojmë njëra-tjetrën në fytyrë”. /Telegrafi/