Në Klinikën për sëmundje infektive në Shkup, deri me 15 mars të këtij viti janë regjistruar 156 kontrolle të pacientëve, si pasojë e sulmeve dhe lëndimeve të marra nga kafshimet e qenve. 34 prej tyre, s’i pasoje e lëndimeve më serioze, kanë pranuar terapi kundër tërbimit, shkruan gazeta KOHA.
Ndërkohë, numri i qytetarëve të cilat gjatë vitit të kaluar janë sulmuar nga qentë, respektivisht rastet e tyre i kanë paraqitur në këtë Klinikë, ka shkuar deri në 926 pacientë, prej të cilëve 128 i janë nënshtruar një trajtimi të posaçëm mjekësor, duke pranuar injeksione të llojit tetanus serum. Rasti i fundit i sulmeve nga qentë është regjistruar në Negotinë.
Sipas raportit të Ministrisë për Punë të Brendshme, bëhet fjalë për sulm ndaj një vajze katër vjeçare, mirëpo dy qentë që i janë vërsul vogëlush kanë pasur pronar, gjegjësisht ato kanë arritur të ikën nga kafazi ku kanë qëndruar dhe janë drejtuar në oborrin e fqinjëve. Në Klinikën për sëmundje infektive Shkup, duke e sqaruar numrin e lartë të pacientëve që kërkojnë ndihmë, theksojnë se kjo shifër është disa herë më e lartë, për shkak se jo të gjithë sulmet nga qentë qytetarët i paraqesin tek ata, por kontrolle të tilla bëhet edhe në shtëpitë tjera të shëndetit.
“Mjeku është ai i cili në këto raste e cakton llojin e terapisë që e pranon një pacient, e cila në të shumtën e rasteve përbehet nga profilaksi antitetative, gjegjësisht mbrojtje nga tetanusi, gjegjësisht profilaksi antirabite apo ndryshe siç njihet mbrojtje nga tërbimi. Në rast se infektimi i plagës është sekondar, ndaj plagës veprohet me atibiontik. Trajtimi mjekësor po ashtu varet edhe nga të dhënat epidemiologjike të cilat pacientit do t’i parashtrojë, respektivisht qeni i cili e ka sulmuar, a ka qenë endacak apo qenë familjar, ose të shihet statusi i vaksinimit që e posedon pacient, në drejtim të asaj se a ka qenë i vaksinuar rregullisht me injeksione kundër tetanusit”, thonë nga Klinika në fjalë, ku mes tjerash theksojnë se disponojnë terapinë e duhur kundër tërbimit.
Në kuadër të aktiviteteve të rregullta, gjatim muajit të kaluar në Shkup, nga ana e organeve kompetente, janë mbledhur rreth 200 qenë endacak, prej të cilëve 30 janë futur në karantinë dhe 23 janë eutanizuar. Lidhur me këto aktivitete, të cilat i ka ndërmarrë Ndërmarrja Publike “Higjiena Komunale”, Shkup, thuhet se ky është numri mesatar i qenve endacak që përfaqësuesit e kësaj ndërmarrjeje e mbledhin për çdo muaj.
“Brenda vitit ne kujdesimi për 2 mijë qen, numrin më të madh të të cilëve e vaksinojmë kundër tërbimit dhe e sterilizojmë. Qentë e zënë nëpër lokacione të ndryshme, në qendrën tonë qëndrojnë rreth dy javë dhe kështu presim nëse dikush i kërkon për t’i marrë. Ndërsa, nëse nuk ndodhë një gjë e tillë, atëherë ne i kthejmë atje nga ku i kemi mbledhur. Eutanazimi i tyre ndodhë vetëm në rast kur janë agresive, posaçërisht nëse ka të dhëna se ai qenë e ka kafshuar ndonjë person, lëndimet e të cilëve janë dokumentar në spital”, thonë nga NP “Higjiena Komunale”.
Mes tjerash, nga kjo ndërmarrje edhe njëherë e bëjnë të ditur se ekipet e tyre të veterinarisë punojnë në dy ndërrime, ndërsa të njëjtit dalin në terren me kërkesa të qytetarëve të cilët rastet e ndryshme të qenve endacak mund t’i paraqesin në telefonin kujdestar 3216-644. Duke ju referuar normave ligjore që parashohin dënimet për shëtitje ne qenve pa maska, ato variojnë nga 100 deri në 400 euro për pronarët e kafshëve shtëpiake.
Në rast se një person kafshohet nga këta qenë, shuma maksimale e dëmshpërblimit që gjykatat ia cakton është rreth 90 mijë denarë, gjegjësisht 35 mijë denarë për vuajtje fizike, për frikë 30 mijë denarë dhe për dhimbje shpirtërore 20 mijë denarë.
Ndryshe, javë më parë në Qendrën urgjente në Shkup, ndërroi jetë fëmija katër vjeçar, Xh. U. nga fshati Baçishtë i Kërçovës, që nuk arrit t’i mbijetojë plagëve të marra nga sulmi i qenve endacak.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit