Vazhdohet afati për qëndrim të përkohshëm për personat e vendeve të përmbytura

Qeveria në seancë mori vendim që deri më 1 prill të vazhdohet afati për qëndrim të përkohshëm të personave nga rajonet e përmbytura në Konviktin shtetëror të studentëve “Tome Stefanovski-Seniq” dhe Qendrën për arsim dhe rehabilitim të fëmijëve me dëgjim të dëmtuar “Partenija Zoografski”, përcjell Telegrafi Maqedoni.

Këtë sot e theksoi ministri i Punës dhe Politikës Sociale Ibrahim Ibrahimi, i cili tha se nuk do të thotë se ky afat është përfundimtar, por në varësi të kushteve për kthim mund të vazhdohet, njofton AIM.

“Nga kontrolli i ekipeve të Qendrës për punë sociale të Qytetit të Shkupit dhe Gazi Babës te disa veçmë janë krijuar kushtet dhe ende i shfrytëzojnë hapësirat e Seniqit.

Edhe njëherë do të dal në terren me drejtorin e Qendrës për punë sociale që të kontrollojmë nëse ekzistojnë kushte që të mos keqpërdoren institucionet dhe njerëzit të kthehen në vendet e tyre. Të lejojmë ato mjete të rikahëzohen atje ku është e nevojshme”, shtoi Ibrahimi, duke u përgjigjur në pyetjen e gazetarëve pas vizitës së objektit “Detelinka” në komunën Gjorçe Petrov. /Telegrafi/