Shima: Ishte ndeshje për statistika

Basketbollisti i Tiranës, Gerti Shima, e ka quajtur “ndeshje për statistika” përballjen kundër Pejës, të cilën pejanët e fituan me rezultat bindës në palestrën “Karagaçi.

Shima, në deklaratën e tij të pas ndeshjes për kanalin televiziv, Supersport, tha “Kam shprehur edhe më parë pas humbjes me Karposin kur i humbëm gjasat për kualifikim se ky është një dështim për ne. Por duke pasur parasysh që Tirana vjen nga një kampionat i rëndomtë siç është ai shqiptar, ku për shumë vite nuk ka pasur as lojtarë të huaj, mund ta quajmë edhe sukses. Tirana bëri risi. Së pari i afroi lojtarët vendorë, e më pas u përforcua edhe me të huaj. Ndërsa këtë gjë më pas e ndoqën edhe Teuta e Vllaznia. Në Ligën Ballkanike treguam edhe suksese duke e mposhtur dy herë Trepçën dhe një herë Pejën, por megjithatë kualifikimi ishte shumë i vështirë. Sa i përket ndeshjes, kjo ishte ndeshje për statistika. Neve na mbetet të luftojë për synimet tona që është Kupa e Shqipërisë dhe titulli në kampionat”.

Lexo po ashtu Peja përfundon fazën grupore si lider i Ligës Ballakanike

Në fund, ish basketbollisti i Pejës, Bashkimit dhe Prishtinës, foli edhe për dështimin e skuadrave kosovare në Ligën Ballkanike, transmeton borozani.

“Nëse flas për Prishtinën, mund të them se ajo e ka nisur shumë keq. Nuk ka pasur mundësi të kualifikohet duke bërë aq shumë largime. Ndërsa Peja ka treguar nivel më të lartë të lojës dhe është kualifikuar me meritë,” tha ai.