Raporti i “Diplocat-it”, vërejtje për shkeljet ligjore në zgjedhjet e 11 dhjetorit në Maqedoni

Me ftesë zyrtare nga ana e Komisionit Shtetëror Zgjedhor (KSHZ), më 27 nëntor Këshilli i Diplomacisë Publike të Katalonjës (Diplocat) themeloi një Mision për Vëzhgimin e Zgjedhjeve (DEOM) për të vëzhguar zgjedhjet e parakohshme parlamentare të mbajtura më 11 dhjetor 2016 në Maqedoni, përcjell Telegrafi Maqedoni.

Pesë ekipe vëzhguese u vendosën në mbarë vendin gjatë 10 ditëve. DEOM arriti në përfundimin se procedurat zgjedhore u zhvilluan në një atmosferë të qetë.

Megjithatë, misioni vëreu me shqetësim se keqbërjet zgjedhore u raportuan nga bashkëbiseduesit tanë ose ishin të vëzhguara nga ekipet tona para dhe gjatë ditës së zgjedhjeve. Kjo deklaratë identifikon shqetësimet specifike dhe fushat për përmirësim në lidhje me administrimin e zgjedhjeve, regjistrimin e votuesve, votimin dhe procedurat të rezultateve, si dhe mekanizmat për zgjidhjen e mosmarrëveshjeve.

Këshilli i Diplomacisë Publike i Katalonjës (Diplocat) promovon demokracinë në mbarë botën dhe është e angazhuar për parandalimin dhe zgjidhjen e mosmarrëveshjeve. Me ftesë të Komisionit Shtetëror të Zgjedhjeve, Diplocat vendosi një mision të kufizuar ndërkombëtar për vëzhgim të zgjedhjeve parlamentare në Maqedoni të vitit 2016. DEOM ishte i përbërë nga pesë
ekipe, duke përfshirë shefin e vëzhguesit, zëvendësin e tij dhe ekspert të zgjedhjeve, si dhe nëntë vëzhgues të cilët ishin shpërndarë në të gjithë vendin gjatë njëmbëdhjetë ditëve, nga 4 deri në 14 dhjetor.

Nga 27 nëntor, ekspertët e DEOM u takuan me një gamë të gjerë të
qytetarëve të Maqedonisë, si dhe aktorëve të tjerë, si përfaqësues të Komisionit Shtetëror të Zgjedhjeve, partitë politike, grupeve vëzhguese, organizatat e shoqërisë civile, akademikë dhe gazetarë.

Për më tepër, lexo raportin e plotë KËTU. /Telegrafi/