Indonezia pezullon bashkëpunimin ushtarak më Australinë

Indonezia ka pezulluar të gjithë bashkëpunimin ushtarak me Australinë, duke thënë se “shumë gjëra duhet të përmirësohen”.

Zëdhënësi i Ushtrisë, Gjeneral Major Wuryanto tha se ligji i hyrë në fuqi ndalur në dhjetor ka prekur një gamë të gjerë të aktiviteteve, duke përfshirë  edhe trajnimin e përbashkët.

Mediat vendase njoftuan se trupat indoneziane  ishin ofenduar nga materialet e trajnimit të gjetura në një bazë australiane të trajnimit.

Kur u pyet për këtë, Major Gen Wuryanto tha se ka shumë arsye, pa dhënë detaje të mëtejshme.

“Të gjitha format e bashkëpunimit me ushtrinë australiane, përfshirë trajnime të përbashkëta, janë pezulluar përkohësisht. Unë shpresoj se kjo mund të zgjidhet sa më shpejt që të jetë e mundur”, tha Gjeneral Major Wuryanto, shkruan BBC.

Australia dhe Indonezia janë aleatë kryesorë  dhe kanë pasur mosmarrëveshje diplomatike gjatë viteve.

Në vitin 2013, Ministria e Mbrojtjes së  Indonezisë pati pezulluar bashkëpunimin me forcat australiane pas akuzave se inteligjenca australiane kishte përgjuar presidentin Susilo Bambang Yudhoyono, transmeton KosovaPress.