Stojanoviqi, Jevtiqi dhe Mariqi: Vulin iu nënshtrua Mustafës

Me rastin deklaratës së liderit të Lëvizjes Socialiste, Aleksandar Vulin, drejtuar serbëve të Kosovës që të “ndalin epshet”, vjen një përgjigje e nënshkruar nga Branimir Stojanoviqi, Dalibor Jevtiqi dhe Lubomir Mariqi.

Në letër thuhet se Vulini, që është edhe ministër i Punës në Serbi, është dashur ndikojë të largohen të gjithë akterët që “thyen unitetin nacional serb”.

“Megjithatë, Vulini, për fat të keq, në një moment vendimtar tregoi hipokrizinë politike dhe konfirmoi aleancën që partia e tij në Kosovë ka bërë me Isa Mustafën”, thuhet në letër, transmeton Telegrafi.

Stojanoviqi, Jevtiqi e Mariqi thonë se marionetat politike në Kosovë nuk do të guxonin të sulmonin Listën Serbe dhe Partinë Progresiste Serbe – pa mbështetjen e ministrit serb.

Vulini kishte thënë sot se Qeveria në Prishtinë duhet rrëzuar dhe se duhet shkuar në zgjedhje në të gjitha nivelet, ndërsa serbët i këshilloi që të gjejnë zgjidhje të përbashkët për të cilat nuk pajtohen.

Por, tre serbët e Listës Serbe thonë se kjo ftesë, për rrëzim të Qeverisë, është përpjekje për të shmangur përfshirjen e tij në “komplot”.

“Vulin dëshiron që miqtë e tij të jenë në Qeverinë e Mustafës”, shtojnë ata.

Në lidhur me këtë “debat”, i ashtuquajturi shef i zyrës serbe në Kosovë, Marko Gjuriq, thotë se “serbëve në Kosovë u duhet uniteti e jo hipokrizia”. /Telegrafi/