BDI: Mbetemi në qëndrimin tonë në 5 shtyllat e platformës

Nga partia e Ali Ahmetit kanë demantuar lajmin me 15  kërkesat e reja për t’u bërë pjesë e qeveri së ardhshme. Nga BDI thonë se mbeten në platformën të cilën e prezentuan gjatë fushatës parazgjedhore, përcjell Telegrafi Maqedoni.

“BDI vazhdon të mbetet në qëndrimin e shprehur se 5 fushat dhe përbetimet e BDI-së janë kushte pa të cilat nuk mund të nënshkruhet marrëveshja e bashkëpunimit në qeverinë e re e cila duhet të formohet më së voni deri në fund të muajt janarë të vitit të ardhshëm”, theksojnë për Zhurnal nga partia e Ahmetit.

Lexo po ashtu Ja 15 kërkesat e BDI-së për një qeveri të re (Foto)

“BDI ka shënuar fitoren e 11 me rradhë pas formimit si parti që e bën kështu partinë më të suksesshme shqiptare në vend dhe rajon, ndërkohë që BDI mbetet celësi i formimit të qeverisë së ardhëshme ndërsa 5 përbetimet e platformës janë adresa e vetme për cilin do partner eventual të koalicionit”, theksojnë më tej nga Bashkimi Demokratik për Integrim.

Ndryshe, disa media kanë bërë publike një listë të kërkesave të cilat sipas tyre i ka parashtruar BDI-ja për të bërë koalicion por të cilat nuk parashihet të jenë të vërteta përpos 5 shtyllave që BDI ka promovuar në kampanjën parazgjedhore./Telegrafi/