Sot prezantohen rezultatet nga fushata e EKOS

Sektori për efikasitet energjetik pranë Ministrisë së Ekonomisë sot do ta përfundojë fushatën EKOS-Zhvillim i ekonomisë energjetike konkurruese dhe të qëndrueshme, me promovim të rezultateve nga zbatimi i masave për efikasitet energjetik në ndërmarrjet e vogla dhe të mesme në Maqedoni, përcjell Telegrafi Maqedoni.

Qëllimi i fushatës EKOS është pikërisht të tregojë për potencialin e madh për kursim të energjisë në ndërmarrjet e vogla dhe të mesme (NVM) dhe të nxisë interesim më të madh për mundësitë.

‘Statistika tregon se konsumi i energjisë posaçërisht tekn NVM prodhues ka rol të madh në shpenzimet e përgjithshme në nivel të ndërmarrjeve të cilat e ulin përfitimin dhe ndikojnë në konkurrencën e prodhimit apo shërbimit. Përmes udhëheqjes ekonomike me konsumin e energjisë në ndërmarrje mund të optimizohet konsumi i energjisë, e me atë të ulet ndotja e mjedisit jetësor dhe të ndihmohet në uljen e pasojave nga ndryshimet klimatike’, thekson Sektori për efikasitet energjetik pranë Ministrisë së Ekonomisë.

Fushata EKOS u realizua paralelisht me disa aktivitete të ngjashme në drejtim të arritjes së qëllimeve të projektuara në dokumente strategjike dedikuar për rritje të efikasitetit energjetik në RM. /Telegrafi/