Brenda nëntë muajve të këtij viti, 25 persona kanë bërë vetëvrasje në Kosovë. Arbër Zeka, nga Shoqata Kosovare për Psikoterapi, thotë për Telegrafin se gjendje e rëndë sociale në vend dhe humbja e shpresës për një jetë më të mirë, janë faktorët kryesorë që po i shtyjnë kosovarët drejt vetëvrasjes.
Zeka ka thënë se ky fenomen aktualisht mbetet njëri nga problematikat më komplekse në shoqërinë kosovare.
Sipas statistikave të Policisë së Kosovës, gjatë periudhës janar – tetor në territorin e Republikës së Kosovës, janë vetëvrarë 25 persona.
Sipas këtij institucioni, “shtyrja në vetëvrasje dhe ndihma në vetë vrasje” është vepër penale.
Psikoterapeuti Zeka ka thënë se personat që tentojnë/bëjnë vetëvrasje, tregon për gjendjen e rënduar psikologjike dhe shpirtërore në të cilën ndodhet ai individ.
Sipas tij, në mesin e popullatës, veçanërisht të rinjve, sa i përket shëndetit mendor.
“Shumë shpesh kemi raste kur pacientët kanë ardhur në zyrat tona për të kërkuar ndihmë, sepse kanë qenë të shtyrë nga të tjerët: shoqëria apo familja. Kjo do të thotë se ata (pacientët) kanë rënë në një gjendje të rëndë psikologjike, sa që ka filluar të ju mungoj edhe motivi dhe shpresa për jetën, rrjedhimisht edhe për të kërkuar rrugëzgjidhje”, ka shtuar Zeka, për Telegrafin.
Zeka duke folur për gjendjen e rëndë socio – ekonomike në vend, ka theksuar se humbja e shpresës se do të përmirësohet gjendja në vend, është një faktor që ndikon shumë në dëshpërimin e qytetarëve të vendit, duke ndikuar direkt ose indirekt që të shtohet numri i njerëzve që përballen me gjendje suicide.
“Parandalimi i këtij fenomeni në rrafshin e jashtëm është thuajse i pamundur, sepse ne si profesionistë nuk i kemi mekanizmat që ta ndryshojmë gjendjen sociale në vend. Por ajo çka porosisim është që të jemi të kujdesshëm dhe ta marrim këtë fenomen seriozisht. Një person që do ta vras veten, mund të mos kërkojë ndihmë, por nuk do të thotë se ai nuk e do këtë ndihmë. Ai thjesht përmes marrjes së jetës, dëshiron që t’i ndalë dhimbjet e tij psikologjike dhe shpirtërore”, ka theksuar ai.
Sipas tij, parandalimi i vetëvrasjes fillon me njohjen e shenjave paralajmëruese, e të cilat duhet marrë seriozisht, duke shtuar se “nëse ju mendoni se një mik apo anëtar i familjes suaj ka ide për të bërë vetëvrasje, nuk duhet të frikësoheni dhe të insistoni që ai ta marrë një këshillim adekuat, mundësisht të profesionistët që merren me problemet e shëndetit mendor”.
“Ndonjëherë edhe pa shkuar nëpër seanca, personi që ka ide të tilla suicide, mund të ndihmohet nëse të afërmit dhe miqtë e këshillojnë që të heq dorë nga kjo gjë. Në asnjë moment mos e nënvlerësoni çfarëdo kontributi që mund ta jepni në këtë drejtim, sepse mund të jeni shkaktar për të shpëtuar një jetë”, ka shtuar ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Bëri tejkalim në vijë të plotë, policia dënon me 200 euro shoferin e një autobusi në Ferizaj
Dita botërore e lirisë së shtypit, raporti i “Reporterëve pa kufij” – Kosova shënon rënie për 19 vende
Në vendkalimet kufitare nuk ka pritje të gjata për hyrje dhe dalje nga Maqedonia
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe