Dhjetë statistika që vërtetojnë se Mourinho ka humbur magjinë

Ka shumë gjëra që nuk shkojnë me Jose Mourinho te Manchester United.

Megjithëse ka shpenzuar plot 180 milionë euro për blerje të reja, me sa duket magjia i është shuar portugezit.

Më poshtë keni 10 statistika që ilustrojnë problemet e “The Special One”.

1 – Manchester United zyrtarisht ka bërë startin më të keq të sezonit në Ligën Premier.
2 – Barazimi 1:1 me West Ham në “Old Trafford” ditën e diel i lë ata me 11 pikë mbrapa kryesuesve aktualë Chelsea me 20 pikë nga 13 ndeshje.
3 – United për të fundit herë e filloi kaq dobët një sezon në vitin 1989. Sir Alex Ferguson ishte trajneri teksa United e përfundoi sezonin në vendin e 13-të, pesë pikë mbi zonën e rënies nga kategoria, por ata ama fituan FA Cup.
4 – Mourinho është dërguar në tribunë dy herë, aq sa fitore ka bërë United këtë sezon në “Old Trafford”.
5 – Mourinho është më keq se David Moyes dhe Louis van Gaal në të njëjtën pikë të sezonit. Moyes mori 22 pikë nga 123 ndeshjet e para në 2013/14. Van Gaal mori 22 pikë në 2014/15 dhe ka mbledhur 27 pikë në 2015/16. Si Moyes ashtu edhe Van Gaal u shkarkuan.
6 – United ka barazuar katër ndeshje radhazi në kampionat brenda për të parën herë në 36 vite.
7 – Mourinho ka humbur tre ndeshje radhazi këtë sezon, hera e parë që ka ndodhur që kur ka qenë trajner i Portos në 2001/02.
8 – Ferguson kishte grumbulluar 30 pikë në 13 ndeshjet e para kur trajnoi Manchester United herë e fundit që ekipi u shpall kampion.
9 – Mourinho ka shpenzuar 180 milionë euro, por nuk ka fituar një ndeshje brenda që prej shtatorit.
10 – Mourinho ka një përqindje fitoresh te United 38%, një përqindje më e keqe se kur ishte trajneri i ekipit të kategorisë së tretë portugeze Uniao de Leira. /telesport/