Pse Fidel Castro gjithmonë mbante dy orë të markës Rolex? (Foto)

Për shumë njerëz, Fidel Castro ishte simbol i paqes dhe luftës kundër imperializmit. Por jo vetëm kaq. Ndër tjerash ai ishte i njohur edhe për faktin se në krahun e tij të majtë mbante dy orë të markës Rolex.

Dhe për këtë fakt, shkruajnë mediat e huaja, përcjell Telegrafi, ekzistojnë tri teori.

Kur në vitin 1963, Castro ishte duke vizituar Moskën, shumë kanë spekuluar rreth asaj se pse ai mbante dy orë. Me sa duket, ai donte për që në çdo kohë të dinte se çfarë kohe është në Moskë, dhe çfarë në vendlindje.

Teoria e dytë ka të bëjë me një përgjigje që ai e kishte dhënë vetë. Kur ai u pyet një herë se pse mbante dy Rolex-a, ai tha se njëri i shërbente si rezervë në rast dështon tjetri.

Dhe teoria e tretë, dhe më interesantja është se me sa duket, Castro ishte admirues i fesë Santeria, me origjinë nga perëndimi i Afrikës. Ajo është e bazuar në ritualet që janë kaluar nga brezi në brez, dhe pasuesit vazhdimisht duhet të mbanin një byzylyk, si një formë e mbrojtjes. Prandaj, shumë menduan se “ora e dytë” e Castros shërbente për të fshehur byzylykun.

Castro ndërroi jetë në moshën 90-vjeçare rreth orës 22:30 minuta të së premtes me orën lokale. E ceremonia mortore do të mbahet më 4 dhjetor. /Telegrafi/