LAJMI I FUNDIT:

FSHF apel tifozëve që të tërheqin vendimin për bojkotimin e ndeshjeve të kombëtares

FSHF apel tifozëve që të tërheqin vendimin për bojkotimin e ndeshjeve të kombëtares

Federata Shqiptare e Futbollit iu drejtua me një letër të hapur “Tifozëve Kuq e Zi” pas vendimit të këtyre të fundit për të bojkotuar ndeshjet si vendas të kombëtares shqiptare. FSHF thotë se e ka pritur me shqetësim vendimin e tifozëve, pasi do të thotë humbjen e një aleati të rëndësishëm e të pazëvendësueshëm dhe “lojtarin e 12” të kombëtares.

“Federata i bën thirrje grupimit TKZ, që të ndryshojë qëndrimin që ka në lidhje me këtë vendim. Me një gjykim më gjakftohtë dhe dashamirës, duhet të rikthehen në stadium, në vendin që i takon. Duke i lënë mënjanë mëritë dhe qejf-mbetjet. Duke kapërcyer mbi to. Duke u bërë të gjithë, më të gjerë. Dhe duke menduar për qëllimin tonë të madh: Të jemi një suport i rëndësishëm për skuadrën tonë të dashur, e cila na ka bërë shpesh të lumtur dhe krenarë me paraqitjet e saj”, thuhet në letër.

FSHF thotë se sfida ndaj Izraelit kishte specifikat e saj nga pikëpamja organizative, për çfarë u desh një punë kolosale nga ana e saj për të organizuar një ndeshje sipas standardeve të UEFA-s.

“Për hir të ndryshimit të qytetit dhe stadiumit ku do të zhvillohej ndeshja, u desh të kryenim, një punë kolosale, në kushte realisht të vështira. Konvertimi në një kohë rekord, i biletave të programuara për në stadiumin e Shkodrës, ishte një aksion që vështirë se një organizëm tjetër, mund ta realizonte. Në kushtet e krijuara, edhe ne ndeshëm shumë vështirësi, për të realizuar organizimin e një ndeshjeje model, sipas standardeve të UEFA-s”, vijon letra.

Institucioni më i lartë i futbollit shqiptar nuk lë pa përmendur edhe sakrificën e madhe të tifozëve, të cilët sipas tyre, nuk u trajtuan si qytetarë dhe brenda kufijve ligjorë.

“Tifozët, gjithashtu sakrifikuan jashtëzakonisht. Ata ndryshuan agjendën, planet e tyre dhe programet që kishin përgatitur. Dhe sigurisht, kjo kishte kosto si fizike ashtu edhe financiare për ta. Për fat të keq, kjo sakrificë që tifozeria bëri, nuk u shpërblye. Ata, kanë dhënë gjithçka për skuadrën kombëtare gjatë kësaj periudhe dhe për këtë meritonin një trajtim më qytetar, brenda kufijve ligjorë. Ne besojmë se këto kanë qenë edhe udhëzimet e drejtuesve të policisë së shtetit por në terren gjërat janë deformuar dhe për këtë ndjejmë keqardhje”, vijon letra.

Pavarësisht kësaj, Federata kërkon më shumë mirëkuptim dhe bashkëpunim me grupet e tifozerive.

“E përsërisim se mbështetja e tifozëve, është shumë e rëndësishme, për ekipin kombëtar dhe futbollin shqiptar. Për këtë arsye ju duam të gjithëve. Të jeni në stadium, për të mbështetur kombëtaren. Siç ka ndodhur, në mënyrë spektakolare deri më tani”, përfundon letra e FSHF-së. /TopChannel/

Në trend Sport

Më shumë
Mësoni pse Holandës iu anulua goli i Xavi Simons kundër Francës

Mësoni pse Holandës iu anulua goli i Xavi Simons kundër Francës

Përfaqësueset
Chelsea heq dorë zyrtarisht nga transferimi i Olise, francezi pranon ofertën e Bayernit

Chelsea heq dorë zyrtarisht nga transferimi i Olise, francezi pranon ofertën e Bayernit

Premier League
Barcelona po tenton ta shes yllin e skuadrës për ta paguar klauzolën e Nico Williams

Barcelona po tenton ta shes yllin e skuadrës për ta paguar klauzolën e Nico Williams

La Liga
Rakitic shpërndan një postim që trazon ujërat te kroatët, pas barazimit me Shqipërinë

Rakitic shpërndan një postim që trazon ujërat te kroatët, pas barazimit me Shqipërinë

Përfaqësueset
Sylvinho bën premtimin e madh për popullin shqiptar për ndeshjen me Spanjën

Sylvinho bën premtimin e madh për popullin shqiptar për ndeshjen me Spanjën

Kombëtarja e Shqipërisë
Tronditet Italia: Roberto Baggio rrihet dhe grabitet teksa shikonte ndeshjen ndaj Spanjës, përfundoi në spital

Tronditet Italia: Roberto Baggio rrihet dhe grabitet teksa shikonte ndeshjen ndaj Spanjës, përfundoi në spital

Përfaqësueset
Kalo në kategori