Liga Premier ka një lider të ri dhe ai është Liverpooli (Video)

Liverpool ka shkatërruar skuadrën e Watfordit duke e mposhtur me rezultat 6-1.

Djelmoshat e Jurgen Klopp kanë treguar edhe njëherë forcën, karakterin dhe lojën e bukur që po aplikojnë, e cila po iu sjell edhe rezultate.

Loja nisi me ofanzivën e ‘Redsave’, por iu desh të presin minutën e 27-të për të parë golin e parë, që u shënua nga Sadio Mane, pas asistimit të Philippe Coutinhos.

Pas asistimit të bërë, Coutinho gjeti edhe rrjetën, ku pas vetëm tre minutave mposhti portierin mysafirë për herë të dytë pas asistimit të Roberto Firminos.

Supermacinë e Liverpool në pjesën e parë e vendosi Emre Can, i cili shënoi për 3-0 dy minuta pa shkuar skuadrat në pushimin mes dy pjesëve.

Liverpooli dominoi edhe pjesën e dytë të ndeshjes, duke arritur të gjej edhe dy gola të shpejt me anë të dyshes Mane-Firmino.

Goli i katërt u shënuan nga braziliani në minutën e 57-të pas asistimit Adam Lallanas, ndërsa goli i pestë u shënua tre minuta më pas nga senegalezi pas një topi të dhënë nga Firmino.

Deri në fund të ndeshjes, skuadrat patën edhe shumë shanse tjera për gol, por atë e gjetën njëherë Watfordi, që ngushtuan epërsinë me anë të Daryl Janmaat në minutën e 75-të, ndërsa listës së golashënuesve iu shtua edhe Georginio Wijnaldum, i cili shënoi në 90+ për 6-1.

Pas kësaj fitore, Liverpooli e sheh vetën lider të Ligës Premier pas një kohë shumë të gjatë me 26 pikë, ndërsa Watfordi në vendin e tetë me 15 pikë.

Në javën tjetër, Reds do të udhëtojnë tek Southampton, teksa Watford presin Leicester Cityn në shtëpi. /Telegrafi/

https://www.youtube.com/watch?v=QA-Sqp0ps9c

https://www.youtube.com/watch?v=dbMf4tn9W4E

https://twitter.com/LFC_INDONESIAN/status/795280257863405568

58' Roberto Firmino 4-0 Liverpool Watford pic.twitter.com/YOna7hhTct

— LiverpoolFCFans (@LFCHarryRT) November 6, 2016

https://www.youtube.com/watch?v=vr_d6BT8_WU&feature=youtu.be&a

https://twitter.com/SudiptoDas1993/status/795296405581545472