Presidenti i vendit, Hashim Thaçi në mbledhjen e Këshillit kombëtar për integrim evropian ka thënë se nëse shikohet nga perspektiva e integrimit evropian, kemi të bëjmë me një situatë mbase paradoksale.
Në njërën anë, sipas tij, kemi bërë hapat më të mëdhenj drejtë BE-së, duke kurorëzuar punën e shtet-ndërtimit, të më se një dekade e gjysmë pas çlirimit, dhe 8 viteve pas shpalljes së pavarësisë së Republikës së Kosovës.
“Kemi nënshkruar një marrëveshje kontraktuale të dyanshme mes Republikës së Kosovës dhe Bashkimit Evropian. Hyrja në fuqi e Marrëveshjes për Stabilizim dhe Asociim me Bashkimin Evropian ka formalizuar dhe e bën të pakthyeshëm procesin e anëtarësimit të vendit në Bashkimin Evropian”, ka thënë ai.
Dje ishte përvjetori i parë i nënshkrimit të kësaj marrëveshje historike, ka thënë presidenti Thaçi, sipas të cilit, fatkeqësisht kjo datë e rëndësishme kaloj në heshtje për shkak të situatës aktuale stagnuese në vendin tonë.
“Kështu, në vend se të kapitalizojmë deri në maksimum këtë mundësi, ne po përjetojmë sfidat më të mëdha drejt vazhdimit të një tradite të konsensusit mbarëshoqëror për përkushtimin që të ardhmen tonë ta lidhim ngushtë me Bashkimin Evropian, dhe me vlerat e Bashkimit Evropian”, ka thënë presidenti Thaçi.
Sipas tij, këto vlera nënkuptojnë edhe një kulturë dhe maturi politike, debat të hapur politik, respekt të ndërsjellë dhe zgjidhje të çështjeve me mjete demokratike.
Duke folur për proceset integruese, presidenti Thaçi është ndalur në dy çështje, në vazhdimësinë e procesit reformues dhe në procesin e liberalizimit të vizave për qytetarët e Kosovës.
Kjo agjendë e reformave nuk është vetëm produkt i kërkesave të BE-së, sipas presidentit Thaçi, por mbi të gjitha e iniciativës dhe përkushtimit tonë për të ndërtuar Kosovën evropiane.
Evropa fillon dhe ndërtohet këtu, ka thënë ai, duke shtuar se është vizioni ynë të cilin kemi përgjegjësinë, por edhe mundësinë për ta bërë realitet.
Thaçi: As BE-ja s’ka të drejtë të bëj presion mbi gjyqësorin
Presidenti Thaçi ka folur edhe për fuqizimin e luftës kundër krimit të organizuar dhe korrupsionit.
Ai ka thënë se kjo është një punë e vazhdueshme, e cila duhet të fuqizohet edhe më shumë.
“As BE-ja dhe askush tjetër nuk ka të drejtë të bëj presione në punën e gjyqësorit, e cila do të vazhdoj edhe pas liberalizimit të vizave”, ka thënë presidenti Thaçi.
Në fund, presidenti Thaçi ka porositur se procesi i integrimit evropian nuk është një proces i lehtë fare, përkundrazi është shumë i gjatë dhe i vështirë.
“Ne jemi të vendosur ta arrijmë qëllimin tonë në rast se BE i mban dyert hapur për ne dhe na trajton si të barabartë në mesin e popujve tjerë aspirantë për anëtarësim në BE”, ka thënë Thaçi.
Izolimi i padrejtë i kosovarëve, sipas presidentit Thaçi, duhet të marrë fund sa më shpejt që të jetë e mundur.
“Bashkimi Evropian dhe shtetet anëtare të saj, nuk e kanë as edhe një argument të vetëm që të mbajnë të izoluar qytetarët e Republikës së Kosovës. Por fatkeqësisht, BE-ja deri më sot, duke mos u turpëruar fare po i mban të izoluar qytetarët e Kosovës si të vetmit në Ballkanin perëndimor”, ka thënë Thaçi.
Ai tha se ky izolim i padrejtë, në vend që të marrë fund, vetëm sa po vjen duke u bërë edhe më i ashpër.
“Kjo qasje është për keqardhje dhe dëmton rëndë procesin e integrimit të Kosovës në Bashkimin Evropian”, ka thënë ai.
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'