Kryesia e Kuvendit të Kosovës ka vendosur që nesër të mbahet seancë e jashtëzakonshme e Kuvendit ku do të diskutohet për vlerat e UÇK-së në raport me situatën e krijuar pas dënimit të ish-udhëheqësve të UÇK-së në rastin “Drenica”.
Lidhur me mbajtjen e kësaj seance ka reaguar Organizata Demokraci Plus (D+). Në reagimin e kësaj organizate thuhet se “Ky veprim i Kuvendit cenon rëndë pavarësinë e pushteteve të pavarura të përcaktuara me Kushtetutën e Kosovës. Trajtimi dhe debati politik i vendimeve të institucioneve të pushtetit gjyqësor është ndërhyrje e drejtpërdrejtë në pushtetin gjyqësor dhe paraqet praktikë të rrezikshme për të ardhmen e vendit”.
Kjo organizate që monitoron punën e Kuvendit rikujton se ky nuk është rasti i parë dhe i vetëm ku Kuvendi i Kosovës hapur dhe drejtpërdrejt i ndërhyn gjyqësorit.
“Praktika të tilla kanë ndodhur edhe në të kaluarën në raste të ngjashme si debati parlamentar për rastin ‘Kiçina’. Ky debat dhe të tjerët të ngjashëm tregon për shpërfilljen e hapur të partive politike dhe Kuvendit të Kosovës për pushtetin gjyqësor”.
Analisti Imer Mushkolaj ka thënë për Telegrafin se mbajtja e kësaj seance është vetëm çështje e patriotizmit të deputetëve.
“Duket se deputetët kanë nevojë të shesin pak patriotizëm. Përndryshe, në mesin e atyre që do të debatojnë nesër ka edhe deputetë që kanë abuzuar e përfituar sa kanë mundur me emrin e UÇK-së, deputetë që nuk janë në gjendje të tregojnë përgjegjësi për të çuar përpara procese të rëndësishme, deputetë që kanë votuar Gjykatën Speciale”, ka thënë Mushkolaj.
Ai ka shtuar se vlerat e UÇK-së nuk mbrohen me fjalë, por duke mos keqpërdorur luftën dhe vlerat e saj për interesa personale.
Edhe analisti tjetër, Arben Ahmeti, vlerëson se mbajtja e kësaj seance është vetëm një spektakël i shëmtuar.
“Është ndërhyrje e rëndë në gjyqësor dhe për më shumë është vetëm një spektakël i shëmtuar që nuk i ndihmon fare as të dënuarve as të akuzuarve të mundshëm dhe sidomos jo luftës së UÇK-së’, ka thënë Ahmeti për Telegrafin.
Kërkesa për seancë të jashtëzakonshme është bërë nga Partia Demokratike e Kosovës dhe për këtë janë mbledhur 40 nënshkrime./Telegrafi/
Promo
Reklamo këtuLufta Prigozhin - Putin
Më shumëRrëfimi i fotoreporterit që xhiroi largimin e forcave serbe nga Prizreni
Kurban Bajrami të dielën, BIK njofton se në sa ora falet namazi
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
"Trupin e recepsionistit do ta digjnim në furrë", dëshmi tronditëse për vrasjen në Dhërmi
Osmani takon zv/presidenten amerikane Harris: Mirënjohës për mbështetjen e palëkundur amerikane
Festa e Bajramit në prag, qytetarët ankohen për çmime të larta të kurbanëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Dikur ishin refuzuar, tani janë lojtarë kyç: Gjashtë yje, një shqiptar mes tyre që mund të shkëlqejnë në Euro 2024
Hehir: Deklarata e Hillit, shembulli i fundit i qëndrimeve të tija pro-serbe
Forcat ukrainase sulmojnë aeroportin ushtarak në Rusi
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
Topi i goditur nga Wirtz përfundoi në portë me një shpejtësi marramendëse
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit