Qeveria i ka zbuluar Hahn-it se administrata shtetërore numëron 185.000 pa ndërmarrjet publike!?

Në suaza të dialogut në nivel të lartë pas dyerve të mbyllura i cili u mbajt gjatë të premtes me komisarin evropian Johanes Hahn, Qeveria në fund ka dalë me shifër të saktë për madhësinë e administratës shtetërore, shkruan Utrinski vesnik, transmeton Telegrafi Maqedoni.

Siç ka raportuar qeveria, administrata shtetërore për momentin numëron 185.000 persona pa i numëruar ata në ndërmarrjet publike, për dallim nga viti 2006, kur ky numër ka qenë 65.000, ose është zmadhuar për gati se treqind për qind!

Përndryshe, gazeta shkruan se Bashkimi Evropian është duke përgatitur një operacion masiv për zgjedhjet në Maqedoni, dhe për këtë qëllim do të përfshijë jo vetëm mbikëqyrës dhe ekspertë por do të ndajë edhe para. Këtë siç merret vesh e ka paralajmëruar komisari Hahn gjatë qëndrimit të tij në vend gjatë të premtes, duke sqaruar se qëllimi i tyre është që zgjedhjet e radhës të jenë “më të mira që mundet”, pa asnjë gjasë për shtyrje.

Në tërë procesin do të inkuadrohen OSBE, ODIHR dhe Këshilli i Evropës, me pritje për ngushtim drastik të hapësirës për keqpërdorime zgjedhore, dhe hapje të mundësisë për sundim të plotë të së drejtës në Maqedoni./Telegrafi/