Mediat serbe i japin publicitet polemikës Thaçi – Kurti

Polemika e fundit ndërmjet presidentit Hashim Thaçi dhe ish liderit të Lëvizjes Vetëvendosje, Albin Kurti, ka arritur deri në Serbi!

Mediat serbe i kanë kushtuar rëndësi të veçantë këtij konflikti verbal ndërmjet Thaçit dhe Kurtit.

Agjencia shtetërore serbe e lajmeve “Tanjug” citon deklaratën e Thaçit ku ai thotë se pohimet e Kurtit për “luftë me Malin e Zi”, nëse demarkacioni kalon, janë qesharake dhe të rrezikshme.

Lexo po ashtu Kurti ia kthen Thaçit, e quan injorant ordiner

“I menjëhershëm ka qenë reagimi i Kurtit ndaj Thaçit, duke e akuzuar këtë fundit se me nënshkrimin e marrëveshjes për demarkacioni, ka bërë tradhti”, shkruan “Tanjug”, transmeton lajmi.net.

Agjencia serbe e lajmeve tutje citon edhe deklaratën tjerët të Kurtit ku ai presidentit Thaçi i referohet si i ashtuquajturi president.

“Kurti po ashtu thotë se i ashtuquajturi president deklaratën e tij për demarkacion e ka quajtur qesharake dhe të rrezikshme, kështu që ka pyetur se a është e mundur që njëkohësisht të jetë qesharake dhe e rrezikshme”, citon Kurtin, “Tanjugu”.

Kjo polemikë ndërmjet Thaçit dhe Kurtit, kujton “Tanjug”, ka nisur pas që themeluesi i Lëvizjes Vetëvendosje një ditë më herët ka thënë në Tiranë se demarkacioni me Malin e Zi mund të sjellë luftë në Kosovë në pesë vitet e ardhshme.

Kjo deklaratë e Kurtit është kritikuar ashpër në Kosovë.