Bieber: SHBA-të dhe BE-ja të ushtrojnë më tepër trysni ndaj pushtetit në Maqedoni

Në një deklaratë për Deutsche Welle, profesori Florian Bieber deklaron se BE-ja dhe SHBA-të duhet patjetër të ushtrojnë trysni më të madhe mbi pushtetin e tanishëm në Maqedoni, duke shtuar se BE-ja nuk ka oreks për pranimin e anëtarëve të rinj në bashkësi, përcjell Telegrafi Maqedoni.

Bieber konsideron se kritikat e opozitës për mungesë të kushteve për zgjedhje korrekte dhe demokratike kanë qenë të qëndrueshme, ndërkaq shtron pyetjen se çfarë duhet bërë deri në nëntor, që të plotësohen kushtet.

Ai shton se shoqëria qytetare që ishte aktive përmes ”Revolucionit Laraman” dhe opozita duhet të vendosin nëse ka kushte për zgjedhje, e nëse nuk ka, atëherë duhet që të tërhiqen.

Për profesorin Florian Bieber, është e çuditshme shtyerja e zgjedhjeve, megjithatë kjo tregon se partitë në pushtet e dijnë mjaft mirë se rënia nga pushteti nuk do të thotë vetëm humbje e pushtetit në aspekt të ndryshimit demokratik të tij, por paraqet edhe kërcënim për tërë udhëheqësinë e pushtetit. Intervistën e plotë e gjeni këtu./Telegrafi/