Në Kosovë janë shumë makina të cilat për lëndë djegëse përdorin gazin, por gjatë furnizimit të tyre nëpër pompa në vend, nuk dihet se a marrin aq sa paguajnë gaz.
Telegrafi gjatë një hulumtimi ka zbuluar se Ministria e Tregtisë dhe e Industrisë, lëshon licenca pa bërë kalibrimin e agregateve të gazit, e për këtë ka dyshime se konsumatorët po dëmtohen.
Në Ministrinë e Tregtisë dhe Industrisë (MTI) e kanë pranuar për Telegrafin se nuk kanë pajisje, e as staf për të kontrolluar sasinë dhe cilësinë e gazit që furnizohen veturat dhe përdoret në amvisëri.
Gjithashtu, zyrtarët e kësaj ministrie as nuk kanë dhënë ndonjë afat kohor se kur do t’i kenë këto pajisje.
“Agjencia e Metrologjisë nuk bën verifikimin e mjeteve matëse të gazit, në mungesë të stafit profesional si dhe pajisjeve për verifikimin e tyre. Kjo agjenci është në përgatitje për t’u furnizuar me pajisje adekuate për verifikimin e mjeteve matëse dhe besojmë se kjo çështje do të marrë zgjidhje në periudhën vijuese”, i kanë thënë Telegrafit nga Divizioni për Komunikim Publik në MTI.
Në mungesë të pajisjes për matjen e rrjedhjes së gazit, sipas zyrtarëve të MTI-së, Inspektorati i Tregut nuk ka mundësi të bëjë inspektime sa i përket cilësisë dhe sasisë së gazit, shkruan Telegrafi.
Ndërkaq, kryetari i Shoqatës së Naftëtarëve të Kosovës, Fadil Berjani, e ka konfirmuar për Telegrafin, se tash e disa vite agregatët e furnizimit me gaz nëpër pompa nuk janë të kalibruar.
Madje shton ai, ka dyshime për sasi dhe cilësi të gazit që furnizohen konsumatorëve.
“MTI-ja tash e tre vite nuk i ka kalibruar agregatet e gazit dhe MTI lëshon licenca pa kalibrim të agregateve të gazit”, ka thënë Berjani.
Ministria e Tregtisë dhe Industrisë ka dështuar në këtë sektor, thotë ai.
Ndërsa Selatin Kaçaniku, drejtues i Organizatës Konsumatori i ka treguar Telegrafit se vitin e kaluar gjatë kontrollit të pompave të derivateve nuk i kanë testuar edhe pajisjet e gazit.
“Në gushtin e vitit të kaluar dolëm t’i kontrollojmë pikat e derivateve të naftës. Përkrah shumë gabimeve që u bënë me këtë rast, e bëmë edhe gabimin që nuk i testuam sasitë as cilësitë e difuzorëve të gazit”, tha ai.
“Divizioni i Metrologjisë jo vetëm se duhet me kohë të bëj kalibrimin e difuzorëve të gazit por edhe duhet t’i mbikëqyrë e inspektojë – pa paralajmërim”, tha Kaçaniku.
Ndryshe në Kosovë janë rreth 390 pika të karburanteve që shesin gaz me pakicë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vlerësimin kreditor BB nga Fitch Ratings – Power tregon çka përfton Kosova
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
Viva Fresh Store ul çmimin e bukës në 20 cent – një hap drejt lehtësimit të shpenzimeve për familjet kosovare
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
A jeni gati për mbrëmjen e Maturës?
Qysh bohet kerri i vogël, kerr i ri!
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Viva Fresh Store ul çmimin e bukës në 20 cent - një hap drejt lehtësimit të shpenzimeve për familjet kosovare
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'