Sonte priten reshje të reja: Këshilla sesi të mbroheni nga fatkeqësitë

Sonte në Maqedoni priten reshje të reja që mund të përkeqësojnë gjendjen e vërshimeve në Maqedoni.

Enti Hidro-meteorologjike ka njoftuar se moti edhe sonte do të jetë i ligë dhe me reshje, transmeton Telegrafi Maqedoni

Nga kjo drejtori njoftojnë për kujdes dhe veprim me kohë për tu larguar nga vendet e vërshuara.

Telegrafi Maqedoni ju sjell disa këshilla praktike për t’u përballur me vërshimet që mund të vijnë nga reshjet eventuale.

1. Shkyçeni rrymën. Rryma dhe uji janë kombinim i rrezikshëm. Sidomos nëse keni instalacion të vjetër elektrik. Mbaj qirinj afër vetes.

2. Mbaj një shkop afër vetes. Nëse kaploheni nga vërshimet, përmes shkopit do orientoheni sa është i thëlle uji, a ka gropa dhe a eshte sigurtë për ecje.

3. Vëturen nuk e keni shok në këto raste. Mos u mbështetni dhe mos hypni mbi të sepse është më jostabile, veçanërisht nëse është automatik i lehtë.

4. Mos i harroni kafshët. Lirojini nga zinxhiri sepse ata dinë të notojnë por nuk munden duke qenë lidhur.

5. Nëse keni çizme të gomes, mbathini. Nëse jo, mbathni këpucë të lehta. Nuk ju duhen mbathje të rënda që mbushen me ujë dhe ju tërheqin drejt thellësisë.

6. Nëse rastësisht gëlltisnu ujë të kontaminuar nga vërshimet, mënjeherë shpërlajeni gojën me ujë në shishe dhe drejtohuni mjekut tuaj. Vershimet sjellin infeksione.

7. Gjeni objekte që do ju ndihmojnë të qendroni mbi ujë. Nëse keni dyshekë të gomës ose ndihmesa tjera noti, tani e kanë kohen të futen në përdorim.

8. Nëse e shihni se nuk mundeni që të ndihmoni persona tjerë në nevojë, lajmerohuni në 195/192/193. Mos u bëj trim. Siguaria jotë në vend të parë.

9. Karrikoje telefonin me bateri. Nuk mund ta dini sa kohë do jeni pa rrymë. Ndiqeni situatën dhe për çfaredo informatë/nevojë shtojeni hashtagun ‪#‎Vërshime‬./Telegrafi/

Lexo po ashtu Këtu mund të lexoni dhe shikoni më shumë lajme rreth vërshimeve të mbrëmshme (Foto/Video)