WikiLeaks ka publikuar 300 mijë emaila rreth Partisë së Recep Tayyip Erdoganit. Në mesin e tyre ka mesazhe që kanë të bëjnë me Republikën e Kosovës.
Pas emailit ku anëtarët e AKP -së (Adalet ve Kalkavan Partisi – Partisë për Drejtësi dhe Zhvillim) tërheqin paralele mes situatës në Gjeorgji dhe Kosovës – me rastin e agresionit ushtarak të Rusisë më 2008 – tani është publikuar edhe një tjetër i tillë i titulluar: “Kosova, drejt regjimit autoritar”.
Në këtë rast bëhet fjalë për letrat elektronike të anëtares së Lëvizjes Vetëvendosje, Esma Bunjaku, e cila informon për situatën politike në Kosovë, transmeton Telegrafi.
Bunjaku shkruan për Demarkacionin me Malin e Zi ku thotë se këtij shteti po i falen 9500 hektarë. Bunjaku gjithashtu informon AKP-në se sa është e dëmshme marrëveshja e arritur me Serbinë rreth krijimit të Asociacionit të Komunave Serbe në Kosovë.
Vlen të ceket se Esma është studente në Universitetin e Prishtinës, dega e Shkencave Politike, ndërsa emailet me partinë e presidentit turk i ka shkëmbyer përmes grupeve të ndryshme të makinës kërkuese, Google, të dërguar në byronë e veçantë të quajtur “Özel Büro (Digi.Security.Isnet)”.
Esma Bunjaku
Më poshtë e keni transkriptin e emailit të saj – “Kosova, drejt regjimit autoritar”
Më 30 nëntor, 2015, partive opozitare (VV, AAK dhe Nisma për Kosovën) të Kuvendit të Republikës së Kosovës, i cili përbëhet prej sistemit pluralist, i janë arrestuar pesë deputetë (dy në ditët e fundit, tre më 30 nëntor), ndërsa të tjerët kanë vendosur që të braktisin seancat plenare.
Më 25-26 gusht 2015, në Bruksel, kryeministri i Kosovës, Isa Mustafa, dhe zëvendëskryeministri, Hashim Thaçi, dhe Qeveria serbe, nën mbikëqyrjen e BE-së (që nuk e njohin Kosovën), kanë nënshkruar marrëveshjen për themelimin e Asociacionit të Komunave Serbe (AKS), e gjithashtu është arritur edhe marrëveshja për demarkacionin me Malin e Zi.
Përmes marrëveshjes së AKS-së, po i hapet rrugë kthimit të Serbisë pas 16 viteve në Kosovë, ndërkaq shkaku i demarkacionit, rreth 9500 hektarë dhe territor tejet me rëndësi strategjike të Kosovës (në Bjeshkët e Rugovës) do t’i jepen Malit të Zi.
Partitë opozitare po kundërshtojnë këto dy marrëveshje në Kuvendin e Kosovës, duke zgjedhur si mjete të tyre bilbilat, hedhjen e vezëve dhe gazin lotsjellës.
Qeveria e Republikës së Kosovës nuk dëshiron të tërheq marrëveshjet dhe në këtë formë po i mundëson Serbisë që të ketë në duar një dinamit përmes AKS-së.
Qëllimi i Serbisë, ashtu sikur si në Bosnje, e edhe në Kosovë (numri i popullsisë serbe është 8-9 për qind), është të marrë kontrollin mbi të gjithë serbët.
Ne kemi provuar të gjitha metodat demokratike që të detyrojmë Qeverinë që të tërheq marrëveshjet. Janë mbledhur rreth 206 mijë nënshkrime. Qeveria nuk e merr parasysh peticionin e nënshkruar prej qytetarëve.
Më 28 nëntor, rreth 35 mijë njerëz kanë marrë pjesë në një protestë, ku u kërkua që të tërhiqet kjo marrëveshje.
Menjëherë pas kësaj protestës, Policia ka bastisur selinë e partisë kryesore opozitare, Vetëvendosje, sikur kur sulmohet një ndërtesë e një organizate terroriste, e ku u arrestuan të paktën rreth 150 aktivistë me në krye ish-liderin, Albin Kurti.
Ne po hyjmë në një periudhë ku protestat janë të pashmangshme. Edhe nëse Qeveria jep dorëheqje dhe shkojmë në zgjedhje të jashtëzakonshme, ditë mjaft të vështira po e presin Republikën e re të Kosovës. Situata është mjaft serioze!”. /Telegrafi/
Lufta Prigozhin - Putin
Më shumëNga Rubrika
Apasiev: I japim mbështetje Mickoskit, vetëm që të mos e lejojë kosovarizimin kuvendit të Maqedonisë
U përleshen në Kuvend, shkon në ndërmjetësim lënda ndaj zv.kryeministrit Bislimi dhe tre deputetëve
Mickoski: Pres mbështetje që Afrim Gashi të jetë kryetar i Kuvendit
Në liqenin e Ujmanit vendosen tabelat me simbole të Kosovës
Tahiri: Kurti, kryeministër me mendje të vogël dhe frikë të qyqarit
Avancimi i statusit në Asamblenë Parlamentare, kongresisti Torres: Do të vazhdoj angazhimin për anëtarësimin e plotë të Kosovës në NATO
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Sonte mblidhet Këshilli i Përgjithshëm i LDK-së, temë e diskutimeve zgjedhjet e parakohshme
Prizren, arrestohet njëri nga gjashtë familjarët që u shpallën në kërkim nga policia
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vera më e nxehtë ndonjëherë? Ekspertët zbulojnë se çfarë mund të ndodhë në Evropë në muajt e ardhshëm
Luiz Ejlli ndez atmosferën në festën e Big Brother - Egla Ceno i bashkohet në skenë duke bërë 'twerk'
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi