Ymeri: Për përfitime personale, Thaçi e ka nënshkruar demarkacionin

Lideri i Vetëvendosjes, Visar Ymer,i në një postim në profilin e tij në Facebook, e ka akuzuar kryetarin e vendit, Hashim Thaçinm se e ka nënshkruar Marrëveshjen e Demarkacionit për të siguruar karrierë politike në dëm të tokës së Kosovës

“Janë bërë 13 ditë prej se i ashtuquajturi President Thaçi dha ultimatumin 10 ditor për Kuvendin që ta ratifikojë pazarin e tij i cili Kosovës ia humb 8.200 hektarë. Shumë mirë që dështoi kërcënimi i tij. Madje, ky është një argument më shumë për t’i thënë “i ashtuquajturi President”, pasi që Presidenti i vërtetë dorëhiqet kur dështon.

Së dyti, kriter më i rëndësishëm për BE-në se demarkacioni me Malin e Zi është luftimi i krimit të organizuar dhe korrupsionit të lartë, e ku bën pjesë vetë Thaçi me vëllezër e me shokë. Thaçi duhet të mbetet pa vizë në Kosovë në mënyrë që qytetarët e Kosovës të marrin viza për BE.

Së fundmi, për përfitime personale të tij, Thaçi e pat nënshkruar demarkacionin me Malin e Zi. Ai e ka të lidhur karrierën e tij për humbjen e territorit të Kosovës. Midis asaj se a duhet ta humbim këtë të ashtuquajtur president apo 8.200 hektarë, qytetarët e deputetët nuk duhet të kenë dilema”, ka shkruar Ymerik.