Vendosja e tabelës me mbishkrimin “Mirë se vini në Republikën e Kosovës” dhe flamurit kombëtar në pikën ku duhet të jetë kufiri me Malin e Zi nga ana e deputetëve të Lëvizjes Vetëvendosje, ka bërë që shteti malazez të reagojë me notë proteste.
Vetëm një ditë pasi që u vendos kjo tabelë, policia malazeze vendosi që ta heqë tabelën së bashku me flamurin. E si pasojë e këtij veprimi të deputetëve të VV-së, Ministria e Punëve të Jashtme dhe Integrimeve Evropiane të Malit të Zi i dërguan notë proteste Prishtinës, duke e paralajmëruar që të parandalojë aktivitetet e ardhshme të ngjashme.
Edhe përkundër këtij paralajmërimi nga Mali i Zi, Lëvizja Vetëvendosje ka theksuar se deputetët e saj do ta vendosin tabelën edhe flamurin kombëtar prapë aty, ku sipas tyre është kufiri i vërtetë me shtetin malazias.
Analisti Imer Mushkolaj ka thënë për Telegrafin se veprimi i deputetëve të VV-së është rezultat i mosveprimit të Qeverisë së Kosovës për të zgjidhur çështjen e demarkacionit me Malin e Zi.
“Po që se Qeveria do të tregonte vullnet për ta bërë një gjë të tillë, atëherë nuk do të kishte fare nevojë të ndërmerren veprime të tilla. Por, nëse VV po kërkon përcaktim të saktë të kufirit të Kosovës me Malin e Zi, atëherë si mund të ndodhë që kjo të bëhet me flamurin e Shqipërisë? Kontesti nuk është ndërmjet Shqipërisë e Malit të Zi, por ndërmjet Kosovës e Malit të Zi”, ka thënë Mushkolaj.
Ai ka shtuar se Vetëvendosje së bashku me partitë e tjera opozitare nuk është dashur t’i ndalë protestat, në mënyrë që ta shtyjë Qeverinë për ta rinegociuar marrëveshjen.
“Duke dështuar të vazhdojë presionin në rrugë, VV ka zgjedhur të vendosë flamur në kufi, që nuk është mënyra e duhur për zgjidhjen e problemit, por konsiderohet provokim i shtetit fqinj. Në fokus të presionit duhet të jetë Qeveria e Kosovës, presidenti e kryeministri, e jo Mali i Zi”, u shpreh Mushkolaj, duke shtuar se Podgorica ka dërguar me të drejtë notë proteste dhe se duke pasur parasysh vullnetin e saj që çështja të zgjidhet, nuk ka asnjë arsye që marrëdhëniet Kosovë-Mali i Zi të acarohen.
Në anën tjetër njohësi i çështjeve të politikës, Arben Qirezi ka thënë se veprimi i deputetëve të VV-së, është veprim i paefektshëm i bërë vetëm për konsum të brendshëm, por që nuk duhet të përsëritet.
“Korrigjimi i Demarkacionit duhet bërë në mënyrë të tjera. Reagimi i Malit të Zi duhet marrë në atë mënyrë që të rishikohet procesi. Për të arritur pajtueshmërinë e Malit të Zi, nuk duhet bërë veprime të tilla që i drejtohen Malit të Zi sepse për çfarëdo gabimi në Demarkacion përgjegjëse janë institucionet e Kosovës e jo shteti fqinj”, tha Qirezi për Telegrafin.
Flamuri i Shqipërisë dhe tabela u vendosën nga deputetët e Vetëvendosjes, duke thënë se kjo ishte një mënyrë që qytetarët të kundërshtojnë marrëveshjen për Demarkacionin me Malit të Zi , marrëveshje kjo që po vlerësohet se është në dëm të Kosovës. /Telegrafi/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri