Detaje nga vrasja e 26 vjeçarit nga Gostivari (Video)

Një banorë i Gostivarit ka humbur jetën pasi që mbrëmë është qëlluar me një plumb në pjesën e barkut. Tani më i ndjeri, ka pasur mosmarrëveshje me një person tjetër rreth ndonjë shkelje në komunikacion. Nga MPB e kanë konfirmuar rastin, duke thënë se rasti ka ndodhur mbrëmë rreth orës 21 e 40 minuta në Gostivar, ku personi me iniciale N.D 47 vjeçar ka qëlluar me armë zjarri 26 vjeçarin me iniciale A.A pas një zënke verbale .

“Në rrugën ‘Sedek Kostovski’ derisa personi me iniciale N.D(47) nga fshati Çajle, ka lëvizur me makinën e tij ‘Xhip Kia’, në të cilin ka qenë familja e tij, në një moment përpara tij është ndalur një veturë ‘Golf 3’, i drejtuar nga A.A(26) nga Gostivari. Pasiqë A.A ka ndaluar në mënyrë të paligjshme, në mes të të njëjtëve ka ndodhur një grindje verbale, pas së cilës A.A nga vetura e tij ka nxjerrur shufër hekuri me të cilën ka filluar ta godasë veturën e N.D. Në atë moment N.D nga vetura ka nxjerrur pistoletë “Bereta” kalibër 9mm të cilën e ka pasur me leje, ka shtënë 3 plumba në drejtim të personit A.A, derisa me një plumb e ka qëlluar në bark.“, thuhet në njoftimin e MPB-së mbi rastin njofton Tv Shenja.

Pas kësaj sipas MPB, personi A.A është dërguar në qendrën e emergjencës në Gostivar, por për shkak të lëndimeve serioze, më pas është dërguar në Qendrën e emergjencës së Shkup, ku për shkak të lëndimeve të rënda, ka ndërruar jetë pas mesnate. Pas ngjarjes, personi N.D e ka braktisur vendin e ngjarjes dhe rreth orës 23.00 vetë është dorëzuar në stacionin policor në Gostivar. Policia po merr masa për zbardhjen e rastit./Telegrafi/