Ekskluzive – Skivi zbulon detajet e projekteve të reja dhe risinë për koncerte

Reperi i Babastars, Skivi, po bëhet gati që të befasojë skenën muzikore shqiptare.

Në një intervistë ekskluzive për Telegrafin, reperi flet për projektin e ri që do ta lansojë shumë shpejt, e i cili do të jetë i një fryme moderne “neë school”, risi për tregun tonë.

“Sipas ecurisë së punëve parashihet që këtë javë të publikohet projekti i parë i albumit. Të presim dhe të shohim”, theksoi ai.

I pyetur për raportimet e Telegrafit bazuar në burime të sigurta se ai do të performojë këtë verë në koncerte me Cozman, pas ndarjes së këtij të fundit nga Tuna, Skivi konfirmoi ndryshimet.

“Me Cozman nuk është hera e parë që kemi pasur koncert, ka ndodhur edhe më herët, por sivjet do të kemi bashk koncert gjithashtu, pasi që edhe ofertat janë të ndryshme ku edhe me pjestarët e tjerë të grupit do të kemi koncerte së bashku”, deklaroi Skivi.

Më tej ai tregoi edhe detajet e albumit të ri, i cili do të vijë shumë shpejt.

“Albumi do të jetë në treg në momentin kur do t’i kem disa s’ingle të publikuara me klipe duke ja nisur nga java e ardhshme. Shpresoj që albumi të jetë i gatshëm për shitje në iTunes, Spotify dhe kanale tjera të distribuimit muzikor shumë shpejt. Falënderoj përkrahësit e Babastars për përkrahjen e tyre pa fund”, përfundoi Visari.

Ka kohë që Visari nuk ka sjellë projekt të ri, të shohim çfarë befasie na ka përgatitur ai kësaj radhe. /Telegrafi/