Kusari Lila: Tre fëmijë paguan dështimin tonë për të ndërtuar një shtet normal

Për vdekjen tragjike të dy fëmijëve nga Kolovica e Prishtinë,s ka shkruar edhe kryetarja e Gjakovës, Mimoza Kusari Lila.

“Zemërthyer për dy jetë të këputura sot në Prishtinë. Dy fëmijë të pafajshëm sikur edhe një tjetër më herët javën e kaluar, paguan me jetë dështimin tonë për të ndërtuar një sistem të funksionimit të shtetit normal.

Ngushëllime familjes Mramori, ndërsa para se të akuzojmë njëri tjetrin për përgjegjësinë, le të kujtojmë pak, kur është hera e fundit që u aplikuan sanksionet për zbatim të ligjit për parandalimin e eksploatimit të lumenjëve? Kur u kthyen përgjigje konkrete për zgjidhjen e statusit në objektet e trashigimisë kulturore? Kur u ndërmorrën masa për rehabilitimin e shtretërve të lumenjëve të degraduar?

Dje Prizreni, sot Prishtina, kush është në radhë nesër? Fëmijët e cilit vend do ti përpijnë gropat e sistemit tonë të thyer?

Nëse mendojmë se dikush është i mbrojtur gabojmë rëndë, pas Xhenetës, Florentës dhe Florentit, askush nuk e din se si mund të paraqitet fëtyra e sistemit tonë të degraduar.

Të prehen në paqe engjejt, ndërsa të kthjellemi ne të gjallët që të parandalojmë tjera tragjedi të më të pafajshmëve” (sic.), ka shkruar ajo në profilin e saj në Facebook.